Մեկօրյա և բազմօրյա քայլարշավային տուրեր, արշավներ Հայաստանում

Քայլարշավային երթուղիները Հայաստանում հասանելի են ողջ տարվա ընթացքում: Քայլարշավային տուրերի և արշավների համար լավագույն եղանակը մարտի կեսերից մինչև նոյեմբերի կեսերն է: Այս ժամանակահատվածում եղանակային պայմաններն ամենակայունն են, օդի ջերմաստիճանը՝ հարմար երկարատև արշավների համար, իսկ լեռնային արահետները՝ լիովին անցանելի:
Գարնանը երթուղիներն առանձնանում են կանաչ լանդշաֆտներով ու ծաղկող մարգագետիններով, ամռանը՝ չոր ու պարզ եղանակով: Հուլիսին և օգոստոսին ցածրադիր վայրերում շատ շոգ է, ուստի թրեքինգները հիմնականում անցկացվում են բարձրադիր գոտիներում, որտեղ ջերմաստիճանն ավելի մեղմ է:
Աշնանն առաջարկվող երթուղիներն անցկացվում են չափավոր կլիմայի պայմաններում, այս ժամանակահատվածը նույնպես շատ հարմար է ճանապարհորդության համար:
Ձմռանը հասանելի են կարճ երթուղիներն ու հովիտներում զբոսանքները, որոնք կարելի է համադրել տաք աղբյուրներ այցելության և լեռնադահուկային հանգստի հետ՝ դարձնելով ակտիվ հանգիստն ավելի հարմարավետ ու բազմազան:

Մեր տուրերի մեծ մասը նախատեսված է ալպինիստական հատուկ պատրաստվածություն չունեցող մասնակիցների համար: Օրական միջին անցուղին 10–11 կիլոմետր է՝ մինչև 600–700 մետր բարձրության վերելքով: Այսպիսի երթուղիները հարմար են բավարար ֆիզիկական վիճակում գտնվող և տուրիստական տարրական փորձ ունեցող անձանց համար: Ավելի փորձառու մասնակիցների համար կան ծրագրեր, որոնք ներառում են վերելքներ դեպի լեռնագագաթներ, այդ թվում՝ Արագած, Աժդահակ, Խուստուփ, Դիմաց և այլն:

Բոլոր տուրերն անցկացնում են պրոֆեսիոնալ ու փորձառու գիդ-ուղեկցորդները (հրահանգիչները), որոնք լավ ծանոթ են երթուղիներին, տեղանքին և անվտանգության կանոններին: Ծրագրի բարդությունից կախված՝ խմբին ուղեկցում են հրահանգիչն ու վարորդը:
6-ից ավելի մարդուց բաղկացած խմբին ուղեկցում է երկու հրահանգիչ՝ հագեցած ռադիոկապով: Յուրաքանչյուր հրահանգիչ ունի առաջին բուժօգնության անհատական դեղատուփ:

Մեկօրյա տուրերի արժեքի մեջ սովորաբար մտնում են տրանսպորտային միջոցի և ուղեկցող հրահանգչի ծառայությունները, շշալցված ջուր, բնական կամ պատմական հուշարձանների մուտքի տոմսի վճարներ (եթե ներառված են երթուղում):
Բազմօրյա տուրերի արժեքի մեջ սովորաբար մտնում են գիշերակացը (հյուրատներ, հյուրանոցներ կամ վրանային ճամբարներ)՝ նախաճաշով, տրանսպորտային միջոցի և ուղեկցող հրահանգչի ծառայությունները, շշալցված ջուր, բնական կամ պատմական հուշարձանների մուտքի տոմսի վճարներ (եթե ներառված են երթուղում):

Ճիշտ երթուղու ընտրությունը կախված է ձեր ֆիզիկական պատրաստվածությունից, արշավների մասնակցության փորձից և տուրը շարունակելու ցանկությունից: Մի քանի ճշգրտող հարցերի միջոցով կօգնենք ձեզ կողմնորոշվել. քանի՞ օր եք նախատեսել արշավի համար, ի՞նչ բարդության մակարդակ է ձեզ հարմար և ինչպիսի՞ տեսարժան վայրեր եք ցանկանում տեսնել: Ըստ Ձեր պատասխանների՝ կընտրենք լավագույն երթուղին՝ հաշվի առնելով տարվա եղանակը, եղանակային պայմանները և ձեր նախասիրությունները՝ անվտանգ ու հարմարավետ տուր ապահովելու համար: