Հայաստան - երկիր, որին կարելի է սիրահարվել
+37491 01 56 60
Whatsapp, Telegram, Viber
Քայլարշավային տուրեր, արշավներ Հայաստանում
Քայլարշավ դեպի Սպիտակավոր վանք – Պռոշաբերդ ամրոց
Գտնվելու վայրը
Վայոց Ձորի մարզ
Բարդության աստիճանը
Միջին
Բարձրությունը
2350 մետր
Սեզոնայնությունը
հոկտեմբեր-մայիս
Բարձրության հավաքումը
900 մետր
Անվտանգությունը
Պրոֆեսիոնալ հրահանգիչ-ուղեկցորդը կուղեկցի և կապահովի անվտանգությունը երթուղու ընթացքում։
Երկարությունը
16 կիլոմետր
Դիմավորման վայրը
Մեր աշխատակիցները Ձեզ կդիմավորեն ձեր բնակության վայրում և արշավի վերջում հետ կփոխադրեն։
Սպիտակավոր վանք
Սպիտակավոր վանքը հայկական վանք է, որը գտնվում է Հայաստանի Վայոց ձորի մարզի Վերնաշեն գյուղից 7 կմ հյուսիս։ Տեղանքը մասնատված է անդնդախոր կիրճերով, իսկ մոտակա լեռան գագաթին պահպանվել է Պռոշաբերդ ամրոցը կամ, ինչպես այն նաև անվանում են, Բոլորաբերդը։
Վանական համալիրը բաղկացած է եկեղեցուց, գավիթից, զանգակատնից և ամրոցապարիսպներից։ Սուրբ Աստվածածին եկեղեցին, որը տարեգրություններում կոչվում է նաև Սուրբ Կարապետ, հիմնադրել է իշխան Եաչի Պռոշյանը, որի մահից (1318) հետո շինարարությունը 1321 թվականին ավարտել է նրա որդին՝ Ամիր Հասան Բ-ն։ Այն կառուցված է սպիտակ սրբատաշ ֆելզիտով, որից էլ առաջացել է եկեղեցու՝ Սպիտակավոր անվանումը։ Եկեղեցու փոքրիկ շենքը վերջավորում են բարձր թմբուկն ու կանոնավոր կոնաձև ծածկը։
Սպիտակավորը եղել է Վայոց ձորի ամենակարևոր մշակութային, կրթական և հոգևոր կենտրոններից մեկը։ Այն շարունակել է գործել XV դարում և դիմակայել է թաթար-մոնղոլական ասպատակություններին։ 1340-ական թվականներին՝ Գլաձորի համալսարանի գործունեության դադարից հետո, Սպիտակավորը դարձել է Պռոշյանների կրթական կենտրոն ու գրչատուն: Վանքը ծաղկում է ապրել XV դարի երկրորդ կեսին՝ վանահայր Ավագտերի ծառայության օրոք, որի ընդօրինակած ձեռագրերից մի քանիսը մեզ են հասել։
Սպիտակավոր վանքում է ամփոփված ռազմական և քաղաքական գործիչ Գարեգին Նժդեհի աճյունը։ Նժդեհի տապանաքարը տեղադրվել է 1989 թվականի հունիսի 17-ին։
Պռոշաբերդ (Բոլորաբերդ)
Բոլորաբերդը կամ Պռոշաբերդը Վայոց ձորի մարզի ամենահայտնի միջնադարյան ամրոցներից մեկն է։ Կառուցվել է XIII դարում Վերնաշեն գյուղից ոչ հեռու՝ բարձր բլրի վրա։ Ամրոցը եղել է իշխան Պռոշ Խաղբակյանի նստավայրը։
Պռոշաբերդն ունեցել է բազալտե պաշտպանական պարիսպ և ջրմուղ, որի խողովակները նշմարվում են մինչև այսօր։ Պահպանվել են պարիսպն ու աշտարակները: Ամրոցի ներքին պաշտպանական կառույցները՝ զինանոցները, զորանոցները, ինչպես նաև Պռոշյանների իշխանական պալատը, ավերվել են, թաղվել հաստ հողաշերտի տակ։
Հայաստա՜ն, երկիր, որին կարելի է սիրահարվել
Դեպի Սպիտակավոր վանք – Պռոշաբերդ ամրոց քայլարշավի արժեքը
(Արժեքը նշված է տրանսպորտային միջոցի համար՝ անկախ մասնակիցների թվից)
1-3 հոգի | 4-6 հոգի | 7-ից ավելի |
112500 դրամ | 140000 դրամ | ըստ հարցման |
Անհրաժեշտ հանդերձանքը
- հարմարավետ արշավային կոշիկներ,
- հարմարավետ հագուստ,
- տաք հագուստ,
- ուսապարկ (30–40 լիտր),
- թրեքինգային փայտեր,
- արևապաշտպան քսուք,
- արևային ակնոցներ,
- լապտեր
Ի՞նչ է ներառված էքսկուրսիայի արժեքի մեջ
Հարմարավետ տրանսպորտ մինչև արշավի մեկնարկի վայրը
Շշալցված ջուր
Անձրևանոց
Ի՞նչ ներառված չէ էքսկուրսիայի արժեքի մեջ
Մուտքի տոմսի վճարներ (եթե կան)
Բժշկական ապահովագրություն
Մեզ հետ կապվելը շատ հեշտ է: Կայքում կարող եք պատվիրել զանգ, գրել էլեկտրոնային նամակ կամ «Ցանկանում եմ գալ Հայաստան» տեքստով հաղորդագրություն ուղարկել: Մենք կկապվենք Ձեզ հետ ամենամոտ ժամանակում:
Հեռախոս:
(+374 91) 01 56 60 (Viber, Whatsapp)
Էլ. հասցե:
Ամրագրել ուղևորություն / Ուղարկել հարցում
(*) նշանով դաշտերը պարտադիր են լրացման
ԱՌԱՎԵԼ ՀԱՅՏՆԻ ՄԵԿՕՐՅԱ ՔԱՅԼԱՐՇԱՎԱՅԻՆ ՏՈՒՐԵՐ
ընտրեք ձեր հանգստի տարբերակը
«ExploreArmenia» տուրօպերատորն առաջարկում է անհատական և խմբային տուրեր Հայաստանում։ Մեր կատալոգում ներկայացված են էքսկուրսիոն, գինու, գաստրոնոմիական, քայլարշավային, ջիպով, էքստրեմալ, կորպորատիվ տուրեր Հայաստանում, Հայաստան + Վրաստան համակցված տուրեր, ինչպես նաև մեկօրյա էքսկուրսիաներ` պրոֆեսիոնալ գիդերի ուղեկցությամբ:
