Հայաստան - երկիր,
որին կարելի է սիրահարվել

Էքսկուրսիաներ Հայաստանում

Էքսկուրսիա դեպի Սևանավանք – Ենոքավան – Լաստիվեր

Տևողությունը

Էքսկուրսիաների տևողությունը 10-11 ժամ է՝ չհաշված ճաշի համար նախատեսված կանգառը (ըստ ցանկության, արժեքի մեջ ներառված չէ)

Ուղևորության ամսաթիվը

Ուղևորության համար կարող եք ընտրել Ձեզ հարմար ցանկացած օր: Էքսկուրսիաները կազմակերպվում են ամբողջ տարվա ընթացքում

Վճարումը

Մենք կանխավճար չունենք: Էքսկուրսիայի համար կարող եք վճարել մեկնարկից առաջ: Մուտքի տոմսերը վճարում եք ինքնուրույն:

Մեկնարկի վայրը

Մեր աշխատակիցները կդիմավորեն ձեր նշված բնակության վայրում, իսկ էքսկուրսիայի ավարտին՝ կվերադառնաք մեկնարկի կետ:

Սևանալիճ

Սևանալիճ

Հայաստանի կապուտակ գեղեցկուհի Սևանն է: Սևանալիճը Հայկական լեռնաշխարհի քաղցրահամ լիճն է, Կովկասի ամենամեծ լիճը: Այն համարվում է տարածաշրջանի խմելու ջրի երաշխավորված աղբյուր: Լիճ են թափվում 28 մեծ ու փոքր գետակներ, սակայն սկիզբ է առնում միայն մեկը՝ Արաքսի վտակ Հրազդանը:

Սևանալիճը գոյացել է հրաբխային գործունեության հետևանքով՝ միջլեռնային տեկտոնական իջվածքում սառցադաշտային և ձնհալոցքային ջրեր լցվելու արդյունքում։

Լիճը կազմված է երկու հատվածից՝ Մեծ Սևան (արևելյան) և Փոքր Սևան (արևմտյան)։ Փոքր Սևանն ավելի խորն է, կտրատված ափերով: Մեծ Սևանի հատակն ավելի հարթ է, ափերն ավելի քիչ են կտրատված, իսկ խորությունը չի գերազանցում 30 մետրը: Սևանի բաժանման հատվածն անցնում է Նորատուսի ու Արտանիշի թերակղզիների միջև գտնվող նեղուցով։

Ջրի իջեցումից հետո այստեղ հնագիտական պեղումներով հայտնաբերվել են 2000 տարեկան և ավելի հին բազմաթիվ գտածոներ, որոշները վերագրվում են բրոնզի դարին: Այստեղ են գտնվում կիկլոպյան ամրոցներ, գերեզմանադաշտեր ու գետնափոր բնակավայրեր։ Գտածոների մեծ մասը պահվում է Երևանի թանգարաններում:

Սևանավանք

Սևանավանք

Սևանավանք` վանական համալիր լճի ափին, Սևան թերակղզում (նախկինում՝ կղզի): Հիմնադրել է Գրիգոր Ա Լուսավորիչը 305 թ-ին։ Կղզին բերդապարիսպով ամրացված է եղել դեռևս բրոնզի դարում։

874 թ.-ին Աշոտ Բագրատունի թագավորի դուստրը, Սյունյաց Վասակ Գաբուռ իշխանի կինը՝ Մարիամը, այստեղ կառուցել է երկու եկեղեցի՝ Սրբոց Առաքելոց և Սուրբ Աստվածածին։ Առաքելոց եկեղեցու թմբուկի արևելյան նիստին պահպանվել է շինարարական արձանագրությունը՝ գրված 874 թ.-ին։ Դեպի հարավ-արևելք, ոչ հեռու գտնվող Սուրբ Աստվածածին եկեղեցին ունի նույն եռաբսիդ հորինվածքը։

Արևմտյան կողմում կցվել է գավիթ, որը հնագույններից է (կանգուն էր մինչև 1930-ական թթ.)։ Գավթի սյուները պսակել են փայտե քանդակազարդ խոյակները, որոնք այժմ պահվում են Հայաստանի պատմության թանգարանում և Էրմիտաժում։

Ենթադրվում է, որ խոյակները բերվել են որևէ պալատական շենքից։ Նրանք իրավամբ հայկական միջնադարյան փայտագործական արվեստի արժեքավոր նմուշներ են։

1956-57 թթ.-ին եկեղեցիները վերանորոգվել են։

Լաստիվեր

Լաստիվեր

Ենոքավան գյուղից էլ կսկսվի մեր քայլարշավը դեպի Տավուշի մարզի գեղեցկագույն վայրերից մեկը՝ Լաստիվեր: Լաստիվերը քարանձավային համալիր է, որը գտնվում է Խաչաղբյուր գետի կիրճում Ենոքավան գյուղից 3 կմ հեռու:

Ուղին դեպի քարանձավ անցնում է գեղատեսիլ և խիտ անտառով, որտեղ բացի բազմաթիվ աղբյուրներից, կվայելենք նաև թարմ օդն ու հրաշալի բնությունը:

XIII-XIV դդ. մոնղոլական արշավանքների ժամանակ միջնադարյան այս քարանձավներում թաքնվում էր մարզի ժողովուրդը: Որպեսզի նրանց հասնեի, պետք էր իրար վրա դրված գերաններից երկար աստիճաններ կառուցեին: Կառույցը շատ նման էր լաստի, որի պատճառով էլ ժողովուրդը տեղանքն անվանեց «Լաստ ի վեր», այսինքն՝ «լաստով վեր բարձրանալ»:

Քարանձավի պատերին անհավատալի գեղեցկության հարթաքանդակներ են, որոնք բավական լավ են պահպանվել:

Հանգիստ ծառերի վրա կառուցված խրճիթներում կամ ջրվեժի մոտ տաղավարներում:

Բարենպաստ եղանակի դեպքում ցանկացողները կարող են լողալ Խաչաղբյուր գետում:

Ցանկացողները կարող են նաև (մինչ քայլարշավը կամ դրանից հետո) սուրալ Zipline-ով (գինը ներառված չէ էքսկուրսիայի արժեքում): Zipline-ը վայրէջք է պողպատե ճոպաններով, որոնք ձգված են ձորի վրա: Այն ունի 5 գիծ՝ 135մ, 268մ, 200մ, 375մ և 750մ:  Միջին արագությունը՝ 5 մ/վ, բարձրությունը՝ 200-300 մետր:

Հայաստան - երկիր, որին կարելի է սիրահարվել

Խմբային և անհատական էքսկուրսիաների արժեքը

(Գինը նշված է ավտոմեքենայի համար՝ անկախ մասնակիցների քանակից)

Գինն առանց էքսկուրսավարի

1-3 հոգի
4-6 հոգի.
7-ից ավելի
49000 դրամ
68000 դրամ
ըստ հարցման

Գինն էքսկուրսավարով

1-3 հոգի
4-6 հոգի.
7-ից ավելի
82000 դրամ
101000 դրամ
ըստ հարցման

Ի՞նչ է ներառված էքսկուրսիայի արժեքի մեջ

Հարմարավետ մեքենա՝ օդորակիչով
Շշալցված ջուր

Էքսկուրսիայի արժեքը չի ներառում

Մուտքի տոմսերը (եթե նախատեսված է)
Բժշկական ապահովագրությունը

Եթե Հայաստանում էքսկուրսիաների կազմակերպման հետ կապված դեռ հարցեր մնացին, ապա մեզ հետ կապվելը շատ հեշտ է: Կայքում կարող եք պատվիրել զանգ, գրել էլեկտրոնային նամակ կամ հաղորդագրություն ուղարկել: Մենք կկապվենք Ձեզ հետ ամենամոտ ժամանակում:

Հեռախոս:

(+374 91) 01 56 60 (Viber, Whatsapp)

Էլ. հասցե:

Ամրագրել էքսկուրսիա / Ուղարկել հարցում

(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման