Վերելք դեպի Արագած լեռան Հարավային գագաթ

Քառագագաթ Արագած հրաբուխը (4090 մ) ոչ միայն Հայաստանի, այլև ողջ Այսրկովկասի ամենաբարձր կետն է: Շատ հին հրաբուխ է, 60 մլն տարեկան է:

Արագած լեռը գրավում է ինչպես պրոֆեսիոնալ լեռնագնացներին, այնպես էլ լեռնային արշավների սիրահարներին: Բարեբախտաբար, նրա չորս գագաթներն էլ ունեն տարբեր բարդության կատեգորիաներ: Փորձառու լեռնագնացները նախընտրում են բարձրանալ Հյուսիսային (4090 մ), Արևմտյան (4000 մ) և Արևելյան (3916 մ) գագաթները: Նրանք, ովքեր ուզում են ավելի հեշտ լեռնային արշավ կատարել, հաճույքով բարձրանում են ամենացածր՝ Հարավային (3879 մ) գագաթը:

Դեպի Արագած լեռան Հարավային գագաթ վերելքը կսկսենք Քարի լճից՝ Հայաստանի բարձրլեռնային լճից, որը գտնվում է լեռան լանջերին: Ձմռանը լիճը հիմնականում ծածկված է ձյունով և սառույցով: Այն գտնվում է ծովի մակարդակից 3207 մ բարձրության՝ սարահարթի վրա՝ լեռնագագաթների տակ: Ափամերձ գծի երկարությունը 1150 մ է, հայելու մակերեսը՝ 30,0 հա, ծավալը՝ 357 հզ. մ³, ամենամեծ խորությունը՝ 8 մ։ Լիճն ունի սառցադաշտային ծագում։ Բյուրականից դեպի լիճ տանող ասֆալտապատ ճանապարհ կա։ Լճի արևելյան ափին տեղակայված է Օդերևութաբանական կայան։

(Արժեքը նշված է տրանսպորտային միջոցի համար՝ անկախ մասնակիցների թվից)

Մեզ հետ կապվելը շատ հեշտ է: Կայքում կարող եք պատվիրել զանգ, գրել էլեկտրոնային նամակ կամ «Ցանկանում եմ գալ Հայաստան» տեքստով հաղորդագրություն ուղարկել: Մենք կկապվենք Ձեզ հետ ամենամոտ ժամանակում: