Մեկօրյա և բազմօրյա ջիպ տուրեր Հայաստանում

Ջիպինգները Հայաստանում հասանելի են ողջ տարվա ընթացքում: Լավագույն եղանակը մարտի կեսերից մինչև նոյեմբերի կեսերն է: Այս ժամանակահատվածում եղանակային պայմաններն ամենակայունն են, օդի ջերմաստիճանը՝ հարմար երկարատև արշավների համար, իսկ լեռնային արահետները՝ լիովին անցանելի:

Գարնանը երթուղիներն առանձնանում են կանաչ լանդշաֆտներով ու ծաղկող մարգագետիններով, ամռանը՝ չոր ու պարզ եղանակով: Հուլիսին և օգոստոսին ցածրադիր վայրերում շատ շոգ է, ուստի off-road տուրերը հիմնականում անցկացվում են բարձրադիր գոտիներում, որտեղ ջերմաստիճանն ավելի մեղմ է: Աշնանն առաջարկվող երթուղիներն անցկացվում են չափավոր կլիմայական պայմաններում, այս ժամանակահատվածը նույնպես շատ հարմար է ճանապարհորդության համար:

Մեր տուրերի մեծ մասը նախատեսված է որևէ հատուկ ֆիզիկական պատրաստվածություն չունեցող մասնակիցների համար: Այնուամենայնիվ, որոշ երթուղիների կարճ հատվածներ (որտեղ ջիպը չի կարող մոտենալ) պետք է ոտքով գնալ, օրինակ՝ լեռ բարձրանալ կամ կիրճ իջնել:

Մեր ջիպ տուրերի գլխավոր առաջնահերթությունը անվտանգությունն է: Բոլոր երթուղիները նախապես փորձարկում ու ստուգում ենք՝ հնարավոր վտանգները բացառելու և առավել հարմարավետ ուղևորություն ապահովելու համար: Ձեզ կուղեկցեն փորձառու վարորդ-գիդերը, որոնք լավ ծանոթ են տեղանքին, արտաճանապարհային առանձնահատկություններին և պրոֆեսիոնալ վարելու տեխնիկային:

Մեկնարկից առաջ կստանաք համառոտ տեղեկատվություն ավտոմեքենայում և երթուղու ընթացքում վարվելաձևի վերաբերյալ: Ջիպերը պարբերաբար անցնում են տեխնիկական սպասարկում և հագեցած են անհրաժեշտ սարքավորումներով՝ անվտանգության գոտիներ, առաջին բուժօգնության դեղատուփ, կապի միջոցներ, անհրաժեշտության դեպքում՝ լրացուցիչ սարքավորումներ: Խումբը շարժվում է շարասյունով, անձնակազմի անդամների միջև մշտական կապ պահպանելով, ինչը մեզ թույլ է տալիս արագ արձագանքելու ցանկացած իրավիճակում: Եղանակային պայմանների կամ այլ գործոնների փոփոխության դեպքերում միշտ պատրաստ ենք երթուղում շտկումներ անել:

Մեկօրյա տուրերի արժեքի մեջ մտնում են տրանսպորտային միջոցի (4 x 4 ամենագնաց) և ուղեկցող գիդի ծառայությունները, շշալցված ջուր, թեթև ուտեստներ երթուղու ընթացքում, բնական կամ պատմական հուշարձանների մուտքի տոմսի վճարներ (եթե ներառված են ծրագրում):

Բազմօրյա տուրերի արժեքի մեջ են մտնում օդանավակայանից և դեպի օդանավակայան տրանսֆերները, երթուղու ընթացքում գիշերակացը (կախված երթուղուց)՝ նախաճաշով, տրանսպորտային միջոցի (4 x 4 ամենագնաց) և ուղեկցող գիդի ծառայությունները, շշալցված ջուր, թեթև ուտեստներ երթուղու ընթացքում և բնական կամ պատմական հուշարձանների մուտքի տոմսի վճարներ (եթե ներառված են ծրագրում):

Երթուղի ընտրելիս կարևոր է հաշվի առնել մի քանի գործոններ, որպեսզի ուղևորությունը հնարավորինս հաճելի լինի և ձեր սպասելիքներն արդարացնի:

Բարդության մակարդակ. գնահատեք՝ պատրաս՞տ եք արդյոք երթևեկել անհարթ ճանապարհային հատվածներով, լեռնային ոլորաններով, թե՞ նախընտրում եք ավելի հանգիստ երթուղիներ: Եթե վստահ չեք, ապա ավելի լավ է ընտրել միջին բարդության մակարդակ:

Տուրի տևողություն. որոշեք, թե որքա՞ն ժամանակով եք ուզում ճամփորդել: Մեկօրյա տուրերը հարմար են արագ և վառ տպավորությունների, բազմօրյա տուրերը՝ բնության և մշակույթի ավելի խորը ճանաչման համար:

Հետաքրքրություններ և նախասիրություններ. նախընտրո՞ւմ եք բնություն, լճեր, կիրճեր, վանքեր, թե՞ պատմական վայրեր: Յուրաքանչյուր երթուղի իր ուրույն ուղղվածությունն ունի. ընտրեք այն, ինչն ավելի մոտ է ձեզ:

Հարմարավետություն և խմբի կազմ. եթե ճանապարհորդում եք երեխաների հետ կամ նախընտրում եք ավելի հանգիստ ծրագիր, ընտրեք բարձրության ավելի քիչ տատանումներով և ավելի կարճ տեղաշարժերով երթուղիներ: Էքստրիմի և արկածների սիրահարների համար առաջարկում ենք ավելի դինամիկ երթուղիներ:

Միշտ պատրաստ ենք ձեզ օգնել լավագույն երթուղին ընտրելու հարցում՝ ըստ ձեր նախասիրությունների, ֆիզիկական պատրաստվածության և տարվա եղանակի: Նախքան ամրագրումը կստանաք լիարժեք խորհրդատվություն: