Մեկօրյա ջիպինգ դեպի Հրեշտակների կիրճ – Գևորգ Մարզպետունու ամրոց – Սպիտակ խաչ եկեղեցի

Հրեշտակների կիրճը բնական հուշարձան է Հայաստանի Արարատի մարզում՝ Դաշտաքար գյուղի մոտակայքում: Նախկինում կիրճով գետ է հոսել, ապա առաջացել է կանիոն՝ շատ զառիվեր, հաճախակի ուղղաձիգ դեղնակարմրավուն լանջերով և նեղ հատակով:

Համալիրը գտնվում է Ուրցաձոր գյուղից 6 կմ հյուսիս-արևմուտք՝ Խոսրովի արգելոցի սահմանին: Հիմնադրվել է X–XIII դարերում: Այն պարագծով շրջապատված է պարսպով, որի չորս անկյունները ամրացված են կլոր աշտարակներով: Ներսում գտնվում է XIII դարում հիմնադրված եկեղեցի: Գևորգ Մարզպետունին եղել է իշխան և զորահրամանատար: Աշոտ Բ թագավորի (914–929 թթ.) օրոք հայ իշխանները միավորվելով փայլուն հաղթանակ են տարել Սևանա լճի ափին տեղի ունեցած ճակատամարտում: Հայկական բանակը գլխավորել է Գևորգ Մարզպետունին:

Լանջանիստ գյուղից 1,5 կմ հյուսիս-արևմուտք՝ Դահնակ լեռան ստորոտում են գտնվում Սպիտակ վանք եկեղեցու ավերակները: Այն կառուցվել է 1301 թվականին: Այն միանավ ուղղանկյուն բազիլիկ տիպի է՝ կառուցված սրբատաշ ավազաքարով: Հավանաբար այստեղից էլ առաջացել է վանքի՝ Սպիտակ վանք անվանումը: Պահպանվել են հյուսիսային և արևելյան պատերը, մյուս երկու պատերից մնացել են միայն հիմքերը: Եկեղեցու մուտքի ձախ կողմում՝ պատի մեջ ներկառուցված է գեղեցիկ նախշազարդերով խաչքար: Խաչքարի ներքևի մասում փորագրված է շինարարական արձանագրություն, ևս վեց արձանագրություն պահպանվել է Սպիտակ վանք եկեղեցու կանգուն պատերին: Եկեղեցին փլուզվել է 1679 թվականի ավերիչ երկրաշարժի հետևանքով:

(Գինը նշված է մեկ տրանսպորտային միջոցի համար՝ անկախ մասնակիցների թվից)

Մեզ հետ կապվելը շատ հեշտ է: Կայքում կարող եք պատվիրել զանգ, գրել էլեկտրոնային նամակ կամ «Ցանկանում եմ գալ Հայաստան» տեքստով հաղորդագրություն ուղարկել: Մենք կկապվենք Ձեզ հետ ամենամոտ ժամանակում: