Էքսկուրսիա դեպի Խոր Վիրապ - Թռչունների քարանձավ - Նորավանք

Տևողությունը

Էքսկուրսիաների տևողությունը 6-7 ժամ է՝ չհաշված ճաշի համար նախատեսված կանգառը (ըստ ցանկության, արժեքի մեջ ներառված չէ)

Ուղևորության ամսաթիվը

Ուղևորության համար կարող եք ընտրել Ձեզ հարմար ցանկացած օր: Էքսկուրսիաները կազմակերպվում են ամբողջ տարվա ընթացքում

Վճարումը

Մենք կանխավճար չունենք: Էքսկուրսիայի համար կարող եք վճարել մեկնարկից առաջ: Մուտքի տոմսերը վճարում եք ինքնուրույն:

Մեկնարկի վայրը

Մեր աշխատակիցները կդիմավորեն ձեր նշված բնակության վայրում, իսկ էքսկուրսիայի ավարտին՝ կվերադառնաք մեկնարկի կետ:

Խոր Վիրապի վանք

Խոր Վիրապ, Խոր վիրապի վանք

Խոր Վիրապ, ճարտարապետական հուշարձան, 17-րդ դարի վանք-ամրոց Արաքս գետի ձախ կողմում, պատմական Արտաշատ քաղաքի բլուրներից մեկի վրա։ Եղել է Հայոց հանրահայտ ուխտատեղիներից:

Վիրապը օձերով, թունավոր միջատներով լի մի խոր փոս էր, ուր գցում էին դատապարտյալին: Տրդատ 3-րդ-ը Գրիգոր Լուսավորչին նետել է Արտաշատի արքունական բանտի գուբը, որտեղ Լուսավորիչն անցկացրել է մոտ 14 տարի։ Լուսավորիչը Խոր վիրապից (4, 5 մ տրամագծով, 6, 5 մ խորությամբ) դուրս գալուց հետո, ստանալով արքայի աջակցությունը, քրիստոնեությունը դարձրել է իբրև պետական կրոն։

Մոտ 642 թվականին Ներսես Գ կաթողիկոսը սրբազան վիրապի վրա կանգնեցրել է մի մատուռ։ Ավերված շինության տեղում 1662 թվականին կառուցվել է թաղածածկ մատուռ, որը կանգուն է մինչև օրս։

1703 թվականին ավարտին է հասցվել կենտրոնական Սուրբ Աստվածածին եկեղեցու հիմնովին վերակառուցումը։

Արենի գյուղ (Թռչունների քարանձավ)

Արենի գյուղ
Թռչունների քարանձավ

Արենին Վայոց ձորի հին և նշանավոր գյուղերից է: Հնում Արենին գտնվել է այժմյան գյուղից կես կմ հյուսիս՝ բլրի վրա, որտեղ մինչ օրս կանգուն է ճարտարապետ Մոմիկի 1321թ. կառուցած սուրբ Աստվածածին եկեղեցին։

21-րդ դարասկզբին այս գյուղը գրավեց միջազգային մամուլի ուշադրությունը. հնագետ Բորիս Գասպարյանը հայտնաբերեց էնեոլիթի դարաշրջանի (4-3 դդ. մ. թ. ա) մումիֆիկացված մարդու մարմնի մնացորդներ: Գտածոն յուրահատուկ էր, քանի որ մահացածների ներքին օրգանները շատ լավ էին պահպանվել, և գիտնականները կարողացան արյան և հյուսվածքների մնացորդների կտորներն առանձնացնել և ուղարկել գենետիկ փորձաքննության:

Արենիի քարանձավը հայտնի է նաև «Թռչունների քարանձավ» անվանումով։ 2008թ. այստեղ հայտնաբերվեց աշխարհի ամենահին կաշվե կոշիկը (ավելի քան 5500 տարեկան): Կոշիկը հայտնաբերվել է կրով պատված շերտում, որը 45 սմ խորություն և 44-48 սմ լայնություն ուներ։ Շրջակայքում հայտնաբերվել են նաև այծի եղջյուրներ։ Կոշիկը գերազանց է պահպանվել զով ու չոր պայմանների և ոչխարի գոմաղբի հաստ շերտի տակ թաղված լինելու շնորհիվ: Այն իր չափով համապատասխանում է ներկայիս 37 համարին, լցված է եղել ծղոտով և չոր խոտերով: Կրել են աջ ոտքին, և պատրաստված է եղել կաշվի ամբողջական կտորից: Շատ լավ են պահպանվել նաև կոշիկի 2-3 մմ-անոց թելերը:

2011թ. «Արենի» քարանձավում հայտնաբերվեց նաև աշխարհի առաջին գինեգործարանը (մ. թ. ա. 4-րդ հազարամյակ)։ Արժեքավոր գտածոներից են ճմլարանը, խմորման կարասները, խմելու տարաները, որթատունկերի և սերմերի մնացորդները: Գիտնականները կարծում են, որ 6 հազար տարի առաջ Հայաստանում գինի պատրաստել են խաղողի այն տեսակից, որը հայտնի Պինո Նուարի նախատիպն է: Այժմ Ֆրանսիայում խաղողի այդ տեսակից են արտադրվում գինու թանկարժեք տեսակները:

2004 թվականից սկսած, ամեն տարի հոկտեմբերին Արենի գյուղում կազմակերպվում է գինու փառատոն։

Նորավանք վանքային համալիր

Նորավանք վանքային համալիր

Նորավանք, վանքային համալիրը կառուցվել է 13-14-րդ դարերում: Վկայություններ կան, որ այստեղ սրբատեղի է եղել հնագույն ժամանակներից, ինչպես նաև մշակութային խոշոր կենտրոն, որը սերտորեն կապված էր հոգևոր ու կրթական այնպիսի կենտրոնների հետ, ինչպիսիք էին Գլաձորի համալսարանն ու Տաթևի վանքը:

Համալիրի տարածքում գերիշխող դիրք է գրավում Բուրթել իշխանի կառուցած (1339թ.) երկհարկ եկեղեցին` Սուրբ Աստվածածինը, որի քարգործ-վարպետը միջնադարյան անվանի ճարտարապետ և քանդակագործ Մոմիկն էր։ Կառույցի հարավային հատվածում գտնվող փոքրիկ, պարզ խաչքարը, որը կանգնեցված է իր իսկ հիշատակին՝ Մոմիկի խաչքարն է։

Ըստ ավանդության, վարպետ Մոմիկը սիրահարվում է Սյունյաց իշխանի գեղեցիկ աղջկան։ Աղջիկն էլ հավանում է Մոմիկին։ Սյունյաց իշխանը կանչում է Մոմիկին և ասում՝ «Աղջիկս կտամ քեզ, եթե երեք տարում մի նոր գեղեցիկ վանք շինես ինձ համար»։ Երիտասարդ վարպետն ընդունում է իշխանի պայմանը և գործի անցնում։ Ապառաժներից քարեր կտրելով ու տաշելով քիչ է մնում, որ որոշված ժամկետին ավարտի վանքի շինությունը։ Իմանալով այդ՝ իշխանն ուղարկում է ծառային, որը տիրոջ հրամանով բարձրանալով վանքի գմբեթը, այնտեղից ցած է հրում Մոմիկին։ Մոմիկի տաշած վերջին քարը շիրմաքար է դառնում նրա համար:

Հայաստան - երկիր, որին կարելի է սիրահարվել

Խմբային և անհատական էքսկուրսիաների արժեքը

(Գինը նշված է ավտոմեքենայի համար՝ անկախ մասնակիցների քանակից)

Գինն առանց էքսկուրսավարի

1-3 հոգի
4-6 հոգի.
7-ից ավելի
40000 դրամ
45000 դրամ
ըստ հարցման

Գինն էքսկուրսավարով

1-3 հոգի
4-6 հոգի.
7-ից ավելի
65000 դրամ
75000 դրամ
ըստ հարցման

Ի՞նչ է ներառված էքսկուրսիայի արժեքի մեջ

Հարմարավետ մեքենա՝ օդորակիչով
Շշալցված ջուր

Էքսկուրսիայի արժեքը չի ներառում

Մուտքի տոմսերը (եթե նախատեսված է)
Բժշկական ապահովագրությունը

Եթե Հայաստանում էքսկուրսիաների կազմակերպման հետ կապված դեռ հարցեր մնացին, ապա մեզ հետ կապվելը շատ հեշտ է: Կայքում կարող եք պատվիրել զանգ, գրել էլեկտրոնային նամակ կամ հաղորդագրություն ուղարկել: Մենք կկապվենք Ձեզ հետ ամենամոտ ժամանակում:

Հեռախոս:

(+374 91) 01 56 60 (Viber, Whatsapp)

Էլ. հասցե:

info@explorearmenia.am

Ամրագրել էքսկուրսիա / Ուղարկել հարցում

(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման