Էքսկուրսիա դեպի Գառնու տաճար - «Քարերի սիմֆոնիա» - Գեղարդավանք

Տևողությունը

Էքսկուրսիաների տևողությունը 5-6 ժամ է՝ չհաշված ճաշի համար նախատեսված կանգառը (ըստ ցանկության, արժեքի մեջ ներառված չէ)

Ուղևորության ամսաթիվը

Ուղևորության համար կարող եք ընտրել Ձեզ հարմար ցանկացած օր: Էքսկուրսիաները կազմակերպվում են ամբողջ տարվա ընթացքում

Վճարումը

Մենք կանխավճար չունենք: Էքսկուրսիայի համար կարող եք վճարել մեկնարկից առաջ: Մուտքի տոմսերը վճարում եք ինքնուրույն:

Մեկնարկի վայրը

Մեր աշխատակիցները կդիմավորեն ձեր նշված բնակության վայրում, իսկ էքսկուրսիայի ավարտին՝ կվերադառնաք մեկնարկի կետ:

Գառնու հեթանոսական տաճար

Գառնու հեթանոսական տաճար

Գառնու հեթանոսական տաճարը կառուցել է Տրդատ Ա թագավորը I դարում։ Տաճարը նվիրված է եղել Արևի աստված Արեգին (Միհրին): Քրիստոնեության ընդունումից հետո ամրոցը եղել է Տրդատ Գ թագավորի քրոջ՝ սուրբ Խոսրովիդուխտի «ամառանոցային սենյակը»։

Տաճարը հելլենիստական շրջանի ճարտարապետությանը բնորոշ պերիպտեր (չորս կողմից սյունաշարերով եզերված աղոթասրահ) տիպի կառույց է։ Կանգնած է բարձր պատվանդանի վրա, որի գլխավոր մուտքի առաջ ունի ինն աստիճանից բաղկացած քարե սանդուղք։ Տաճարի ողջ պարագծով, աղոթասրահի շուրջը վեր են խոյանում 24 սյուները (6-ական՝ տաճարի դիմացից և հետևից, 8-ական՝ կողքերից):

Վերջնականապես կործանվել է 1679-ի ուժեղ երկրաշարժից, իսկ ամբողջովին վերականգնվել՝ խորհրդային տարիներին՝ 1970-ական թթ.:

Առանձին հետաքրքրություն է ներկայացնում 3-րդ դ. թվագրված բաղնիքը, որի հատակի խճանկարը Հայաստանում ամբողջական խճանկարի պահպանված միակ և եզակի օրինակ է։ Գլխավոր դրվագում պատկերված են հին հունական դիցաբանության ծովի աստված Թետիսը և այլ դիցաբանական կերպարներ։

Խճանկարի հունարեն արձանագրություններից մեկը «ΜΗΔΕΝ ΛΑΒΟΝΤΕΣ ΗΡΙΑΣΑΜΕΘΑ ΚΑΝΕΝΑ ΝΕΚΡΟ ΔΕ ΜΑΣ ΕΔΩΣΕ Η ΘΑΛΑΣΣΑ ΟΥΤΕ Ο ΩΚΕΑΝΟΣ» ազատ թարգմանությամբ հնչում է «Աշխատեցինք` ոչինչ չստանալով»։

Քարերի սիմֆոնիա

«Քարերի սիմֆոնիա» կամ «Բազալտային երգեհոն»

Գառնու կիրճը ձգվում է Ազատ գետի և Գողթ վտակի ավազանում: 2000 թվականին Ազատ գետի կիրճը Գեղարդի վանքի հետ միասին ընդգրկվել է ՅՈՒՆԵՍԿՕ-ի մշակութային ժառանգության ցանկում:

Եթե հեռվից նայենք, ապա Ազատի կիրճում գտնվող հնգանկյուն և վեցանկյուն մինչև 300մ բարձրության բազալտե սյուները ձեռակերտ են թվում՝ իրենց զարմանալի սիմետրիկության պատճառով: Իրենց ձևով նմանեցվելով երգեհոնին, այն ստացել է «Բազալտային երգեհոն» կամ «Քարերի սիմֆոնիա» անունը:

Զարմանահրաշ այս ժայռերը գոյացել են բարձր ճնշման պայմաններում՝ հրաբխային լավայի սառչելու և բյուրեղացման արդյունքում:

Բազալտային սյուների ճիշտ ձևերը զարմանալիորեն գայթակղում են և անհնար է կտրվել դրանցից: Փաստացի կատարյալ սյուներն այնպիսի տեսք ունեն, կարծես ոչ թե բնությունն է դրանք կերտել, այլ մարդ է քանդակել:

Այս հրաշագեղ վայրում մեկ այլ դիրքից ևս մեկ անգամ կհիանանք քարե հրվանդանին «բազմած» Գառնու տաճարով:

Գեղարդավանք

Գեղարդավանք

Գեղարդը (XIII դար) ժայռափոր ինքնատիպ եկեղեցական վանք է, որն ընդգրկված է ՅՈՒՆԵՍԿՕ-ի մշակութային ժառանգության ցանկում: Վանքի անվանումը կապված է այն նիզակի հետ, որով հռոմեացի զինվորը խոցեց խաչված Հիսուսին: Ներկայումս այն պահվում է Էջմիածնի Մայր աթոռի թանգարանում:

Ըստ ավանդության, առաջին եկեղեցին հիմնվել է 4-րդ դարի սկզբին, երբ Հայաստանում քրիստոնեությունը հռչակվել է պետական կրոն։ Այն հայտնի էր որպես «Այրիվանք» կամ «Քարայրների վանք»։ Վանքի հիմնադրումն ավանդաբար վերագրում են հայոց առաջին կաթողիկոս Գրիգոր Լուսավորչին: Առաջին վանքը IX դարում ավերվել է արաբների կողմից:

Գեղարդավանք միջնադարյան վանական համալիրի գլխավոր եկեղեցին կառուցվել է 1215 թվականին, Զաքարե և Իվանե Զաքարյանների օրոք:

Միջնադարյան Հայաստանում Գեղարդը եղել է հոգևոր և մշակութային նշանավոր կենտրոն, ինչպես նաև դպրանոց, գրադարան և գրչատուն: Բազմաթիվ խաչքարերի մեջ առանձնանում է Տիմոթ և Մխիթար հորինողների կերտած խաչքարը (1213 թ.):

Հայաստան - երկիր, որին կարելի է սիրահարվել

Խմբային և անհատական էքսկուրսիաների արժեքը

(Գինը նշված է ավտոմեքենայի համար՝ անկախ մասնակիցների քանակից)

Գինն առանց էքսկուրսավարի

1-3 հոգի
4-6 հոգի.
7-ից ավելի
22000 դրամ
26000 դրամ
ըստ հարցման

Գինն էքսկուրսավարով

1-3 հոգի
4-6 հոգի.
7-ից ավելի
42000 դրամ
46000 դրամ
ըստ հարցման

Ի՞նչ է ներառված էքսկուրսիայի արժեքի մեջ

Հարմարավետ մեքենա՝ օդորակիչով
Շշալցված ջուր

Էքսկուրսիայի արժեքը չի ներառում

Մուտքի տոմսերը (եթե նախատեսված է)
Բժշկական ապահովագրությունը

Եթե Հայաստանում էքսկուրսիաների կազմակերպման հետ կապված դեռ հարցեր մնացին, ապա մեզ հետ կապվելը շատ հեշտ է: Կայքում կարող եք պատվիրել զանգ, գրել էլեկտրոնային նամակ կամ հաղորդագրություն ուղարկել: Մենք կկապվենք Ձեզ հետ ամենամոտ ժամանակում:

Հեռախոս:

(+374 91) 01 56 60 (Viber, Whatsapp)

Էլ. հասցե:

info@explorearmenia.am

Ամրագրել էքսկուրսիա / Ուղարկել հարցում

(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման
(*) նշանով դաշտերը պարտադիր են լրացման