Տուրեր դեպի Երևան (3 օր / 2 գիշեր)

Եթե ​​որոշել եք առաջին անգամ հանգստանալ Հայաստանում և ծանոթանալ նրա տեսարժան վայրերին, ապա դեպի Երևան տուրերը հենց Ձեզ համար են։ Երևան քաղաքը աշխարհի հնագույն քաղաքներից մեկն է, որը հիմնադրվել է մ. թ. ա. 782 թվականին:

Ճամփորդություն Երևանում ծրագիրը ձեզ թույլ կտա տեսնել բիբլիական Արարատ լեռը, այցելել նշանավոր պատմամշակութային կենտրոններ, ճաշակել ազգային խոհանոցի ուտեստներից և համտեսել ազգային բրենդը՝ հայկական կոնյակը։ 3-օրյա ծրագիրը ներառում է ոչ միայն Երևանի թանգարանների, այլև տեսարժան վայրերի էքսկուրսիաներ (մեկնումը՝ մայրաքաղաքից):

Հարց է առաջանում՝ որտեղի՞ց գնել էժան ուղեգիր։ Պարտադիր չէ տուրերը ամրագրել ձեր քաղաքում, քանի որ մե՛նք ունենք Երևանում հանգստի համար էժան գներ։ Մենք չենք վերավաճառում ուրիշների ճանապարհորդական փաթեթները, այլ կազմում ենք մեր սեփականը և կրում ենք մատուցված ծառայությունների ողջ պատասխանատվությունը։ Անհրաժեշտության դեպքում կարող ենք ճկուն կերպով փոխել երթուղին՝ կախված զբոսաշրջիկների ցանկություններից։

Դուք կարող եք այստեղ տեսնել մատչելի տուրերը դեպի Երևան։

Դիմավորում օդանավակայանում։

Տուրը Հայաստանում կսկսենք Երևանի տեսարժան վայրերի էքսկուրսիայով: Մայրաքաղաքի ճարտարապետությունն առանձնահատուկ և ինքնատիպ է։ Այսօր Երևանն այնպիսի քաղաք է, որտեղ կհանդիպես տարբեր ճարտարապետական ոճերի՝ կանաչ ծառուղիներով և բազմաթիվ շատրվաններով։

Ապա կայցելենք «Էրեբունի» թանգարան՝ Երևան քաղաքի պատմական թանգարաններից մեկը, որը գտնվում է Արին բերդ բլրի վրա՝ Էրեբունի ուրարտական ​​ամրոցի մնացորդների կողքին։ Երևան քաղաքի հիմնադրման պատմության թանգարանը կառուցվել է 1968 թվականին։ Թանգարանում ցուցադրվում են ուրարտական ​​դարաշրջանին վերաբերող ցուցանմուշներ՝ զենքեր, զրահներ, սեպագիր արձանագրության օրինակներ, գավաթներ, սափորներ, կնիքներ և այլն։

Հաջորդիվ կգնանք դեպի Կասկադ։ Մեծ Կասկադը 500-մետրանոց աստիճանաշար է (572 աստիճան)՝ շատրվաններով և ծաղկաթմբերով, ինչպես նաև թանգարան՝ բաց երկնքի տակ, որտեղ ներկայացված են հայտնի վարպետների մոտ 30 քանդակներ: Համալիրի ներսի 5 հարկում Գաֆեսճյան արվեստի կենտրոնն է։

Ցանկության դեպքում (լրացուցիչ վճարով) կայցելենք Երևանի կոնյակի գործարան, որտեղ մեզ սպասվում է հետաքրքրաշարժ էքսկուրսիա՝ 2 տեսակի կոնյակի (3 տարվա «Արարատ» և 10 տարվա «Ախթամար») համտեսմամբ։

Տեղավորում հյուրանոցում։

Նախաճաշ հյուրանոցում։

Հայաստանում մեր ճանապարհորդությունը կշարունակենք դեպի Գառնիի հեթանոսական տաճար, որը կառուցել է հայոց Տրդատ I թագավորը I դարում և նվիրված է արևի աստծուն` Միհրին։ Ազատ գետի կիրճը հայտնի է իր բազալտե սյուներով, որոնք հրաբխային լավայի հոսքի արդյունք են։

Հաջորդ կանգառը կլինի Գեղարդի վանական համալիրում. ընդգրկված է ՅՈՒՆԵՍԿՕ-ի Համաշխարհային մշակութային ժառանգության ցանկում: Ամբողջական անվանումն է Գեղարդավանք (Գեղարդ՝ տեգ բառից)։ Վանական համալիրի անվանումը գալիս է Սուրբ Գեղարդից, որով հռոմեացի զինվոր Լոնգինուսը խոցել է Հիսուս Քրիստոսին։ Գեղարդն այժմ պահվում է Էջմիածնի Մայր տաճարի գանձարանում։

Լավաշ թխելու վարպետաց դաս: Հայկական լավաշը  2014 թվականին ներառվել է ՅՈՒՆԵՍԿՕ-ի ոչ նյութական ժառանգության ցանկում:

Ապա մեզ սպասվում է ուղևորություն դեպի Հայաստանի մարգարիտ՝ կապուտակ Սևան։ Սևանա լիճը քաղցրահամ լիճ է Հայկական լեռնաշխարհում, Հարավային Կովկասի ամենամեծ լիճն է։ Այն տարածաշրջանում քաղցրահամ ջրի ապահովման խոշոր աղբյուր է։

Այցելություն Սևանավանք՝ վանական համալիր Սևանա լճի հյուսիսարևմտյան ափին: Վանքը գտնվում է Սևանի թերակղզում, որը նախկինում փոքրիկ կղզի էր։

Վերադարձ Երևան։

Նախաճաշ հյուրանոցում։ Սենյակի հանձնում:

Կայցելենք Երևանի կենտրոնական շուկա։ Չրերը ազգային հարստություն են և կոնյակի սովորական ուղեկիցը: Հայաստանում կարծես թե ամեն ինչից կարելի է չիր պատրաստել, այդ թվում՝ ձմերուկից, սեխից և նույնիսկ լոլիկից:

Այնուհետև կայցելենք «Մեգերյան» գորգերի գործարան, որտեղ կկարողանանք տեսնել իսկական ձեռագործ գորգեր, կունենանք կարճ էքսկուրսիա՝ գորգագործության պատրաստման տեխնոլոգիայի մասին պատմությամբ։

Ապա՝ Ծիծեռնակաբերդի հուշահամալիր՝ 1915 թվականի Հայոց ցեղասպանության զոհերի հիշատակին նվիրված, և Ցեղասպանության թանգարան։

Հետո կուղևորվենք Սբ Էջմիածին՝ Հայ առաքելական եկեղեցու կենտրոն, որտեղ գտնվում է կաթողիկոսի նստավայրը։ Կայցելենք Էջմիածնի Մայր տաճար (301–303,  հիմնովին նորոգվել՝ 483–484), որն ընդգրկված է ՅՈՒՆԵՍԿՕ-ի Համաշխարհային ժառանգության ցանկում։

Կայցելենք երկրաշարժի հետևանքով ավերված Զվարթնոց տաճարի ավերակները։ 2000 թվականին տաճարի ավերակները և նրա շրջակայքի հնագիտական տարածքը ներառվել են ՅՈՒՆԵՍԿՕ-ի Համաշխարհային ժառանգության ցանկում։

Տեղափոխում օդանավակայան։

Կայքում ներկայացված են միայն ճամփորդական տարբերակների մի փոքր մասը։ Եթե ​​մեր առաջարկների մեջ որևէ հետաքրքիր բան չգտնեք, ապա Հայաստանում տուրօպերատոր ExploreArmenia-ի մենեջերները պատրաստ են ձեզ հետ միասին պլանավորել Երևանում հանգստի ձեր տարբերակը՝ ՑԱՆԿԱՑԱԾ ՔԱՆԱԿԻ ՕՐՎԱ համար և ընտրել այն վայրերը, որոնք դուք անպայման ցանկանում եք այցելել։ Ուղարկեք հարցում, և մենք կընտրենք ամենահարմար տուրն՝ ըստ ձեր ցանկության։

Դեպի Երևան ուղևորություն ամրագրելը շա՜տ հեշտ է։ Կարող եք զանգ պատվիրել կայքում, գրել էլեկտրոնային հասցեին կամ պարզապես հաղորդագրություն ուղարկել՝ «ՈՒԶՈՒՄ ԵՄ ԳԱԼ ՀԱՅԱՍՏԱՆ» բառերով։ Մենք անպայման սեղմ ժամկետում կկապվե՜նք ձեզ հետ։