Մատչելի տուր Հայաստանում (5 օր / 4 գիշեր)

Էժան տուրը յուրաքանչյուր տուրիստի երազանքն է, իսկ Հայաստանի պատմա-մշակութային ներուժը բազմազան է և գրավիչ: Ներկայացնում ենք 5-օրյա մատչելի տուր Հայաստանում: Ձեզ սպասվում է առավելագույն հագեցած էքսկուրսիոն ծրագիրը մատչելի գնով: Երևանից մեր ուղևորությունների հիմնական տարբերությունը նրանում է, որ մենք առաջարկում ենք առավելագույնը…. Հայաստանում մատչելի տուրի ընթացքում կծանոթանաք երկրի տեսարժան վայրերին, կայցելեք պատմա-մշակութային կենտրոններ, ինչպես նաև կհամտեսեք ազգային արժեքը՝ կոնյակը:

Բացահայտեք Ձեզ համար հնագույն, անկրկնելի և հյուրընկալ Հայաստանը:

Դիմավորում օդանավակայանում:

Տուրը Հայաստանով կսկսենք Երևանի տեսարժան վայրերի էքսկուրսիայով: Երևանի ճարտարապետությունը յուրօրինակ է և ինքնատիպ: Այսօրվա Երևանը ճարտարապետական տարբեր ոճերի, կանաչ պուրակների, բազմաթիվ շատրվանների քաղաք է: Այցի ընթացքում կծանոթանաք Երևանի տեսարժան վայրերին. Ֆրանսիայի հրապարակ, Օպերայի և բալետի թատրոն, Հյուսիսային պողոտա, Հանրապետության հրապարակ:

Կմեկնենք Մեսրոպ Մաշտոցի անվան հին ձեռագրերի ինստիտուտ` Մատենադարան: Ամենահին ձեռագրերը պատկանում են 5-րդ դարին և կապված են հայ գիրը ստեղծած Մեսրոպ Մաշտոցի անվան հետ:

Հաջորդը կլինենք ճարտարապետա-կոթողային համալիր Կասկադում. 500-մետրանոց աստիճաններ (572 հատ), որոնք կառուցված են տուֆից: Կասկադի նախահեղինակը եղել է Ալեքսանդր Թամանյանը: Այն բացօթյա թանգարան է, որտեղ կարելի է հիանալ ժամանակակից արվեստի շուրջ 30 քանդակներով: Համալիրում է գտնվում Գաֆեսճյան արվեստի կենտրոնը:

Տեղավորում հյուրանոցում:

Նախաճաշ հյուրանոցում:

Հայաստանում ուղևորությունը կշարունակենք` այցելելով Գառնու հեթանոսական տաճար, որը I դարում կառուցել է Տրդատ Ա թագավորը և նվիրված է եղել Արևի աստված Միհրին: Քրիստոնեության ընդունումից հետո ամրոցը եղել է Տրդատ Գ թագավորի քրոջ՝ սուրբ Խոսրովիդուխտի «ամառանոցային սենյակը»։

Հաջորդ կանգառը Գեղարդի (XIII դար) ժայռափոր ինքնատիպ եկեղեցական վանքն է, որն ընդգրկված է ՅՈՒՆԵՍԿՕ-ի մշակութային ժառանգության ցանկում: Վանքի անվանումը կապված է այն նիզակի հետ, որի ծայրով հռոմեացի զինվորը խոցեց խաչված Հիսուսին: Ներկայումս այն պահվում է Էջմիածնի Մայր աթոռի գանձարանում:

Վերադարձ Երևան:

Այցելություն Ծիծեռնակաբերդ`1915թ. Հայոց ցեղասպանության զոհերի հուշահամալիր և թանգարան:

Ցանկության դեպքում (լրացուցիչ վճարով) կայցելենք Երևանի կոնյակի գործարան, որտեղ կհամտեսենք տարբեր տարիների կոնյակ (3 տարվա «Արարատ» և 10 տարվա «Ախթամար»):

Նախաճաշ հյուրանոցում:

Հայաստանում էքսկուրսիաների այս օրը կսկսենք Խոր Վիրապ վանքի այցելությամբ, որը գտնվում է բիբլիական լեռան՝ Արարատի մոտ: Հանրահայտ ուխտատեղիներից այս մեկը կապված է Գրիգոր Լուսավորչի հետ: Ըստ լեգենդի, Տրդատ III թագավորի հրամանով Գրիգոր Լուսավորչին, որն առաջինն էր մերժել հեթանոսությունը և քրիստոնեություն ընդունել, շուրջ 14 տարի պահել են այս փոսում՝ վիրապում:  Ցանկության դեպքում կարող եք իջնել այն փոսը (6,5 մետր խորությամբ և 4,5 մետր տրամագծով), որտեղ օձերով և թունավոր միջատներով լցված ժամանակին պահվում էր Հայաստանում քրիստոնեությունն առաջինը ընդունած այրը:

Ամենամոտ տարածքից հենց ձեր առջև կհառնի Հայաստանի խորհրդանիշը՝ բիբլիական Արարատ լեռը, որի վրա, ըստ ավանդության, Համաշխարհային ջրհեղեղից հետո իջել էր Նոյն իր տապանով:

Մեր ուղևորությունը կշարունակենք Վայոց Ձորի մարզում գտնվող Արենի գյուղ: Զբոսաշրջիկների սիրված վայրերից մեկը` իր գեղատեսիլ բնությամբ և կարմիր ժայռերով: Այստեղ ամեն տարի հոկտեմբերին անցկացվում է գինու փառատոն:

Ցանկության դեպքում (լրացուցիչ վճարով) կայցելենք «Արենի» գինու գործարան, որտեղ կհամտեսենք տեղի գինին: Այս արտադրողի գինիները տարբերվում են անկրկնելի համով: Բույրերի փունջը բացվում է աստիճանաբար և ըմպելուց հետո հաճելի համ թողնում:

Ձեզ անտարբեր չի թողնի Արենի գյուղից 7 կմ հեռավորության վրա գտնվող XIII-XIV դարերում կառուցված Նորավանքը, որը կառուցել է հայ վարպետ Մոմիկը: Վանքը գտնվում է Արփա գետի վտակի կիրճում, իսկ կարմիր ժայռերը կարծես կախված լինեն վանքի վրա:

Վերադարձ Երևան:

Նախաճաշ հյուրանոցում:

Օրը կսկսենք դեպի Հայաստանի կապուտակ գեղեցկուհի Սևան ուղևորությունից: Սևանալիճը Հայկական լեռնաշխարհի քաղցրահամ լիճն է, Հարավային Կովկասի ամենամեծ լիճը: Այն համարվում է տարածաշրջանի խմելու ջրի երաշխավորված աղբյուր:

Այցելություն Սևանավանք` վանական համալիր լճի ափին, Սևան թերակղզում, որը նախկինում կղզի է եղել:

Ճանապարհը կշարունակենք դեպի Տավուշի մարզ` Հայաստանի առողջարանային հանգստավայր Դիլիջան: Քաղաքն ունի լեռնային կլիմա և գտնվում է Աղստև գետի վրա: Կայցելենք Դիլիջանի հին թաղամաս (Շարամբյան փողոց), որի XIX դարի վերջի և XX դարի սկզբին համահունչ կառուցապատման գաղափարը ծագել էր դեռևս 1970 թվականին: Այստեղ բոլոր արհեստանոց-արվեստանոցներն ու խանութները կրում են XIX դարավերջի ազդեցությունը:

Հաջորդ կանգառը կլինի Հաղարծին վանքը, որը կառուցվել է X-XIII դարերում՝ Բագրատունիների տոհմի հովանավորությամբ: Վանքից բացված տեսարանը անմոռանալի հիշողություններ կթողնի տարվա բոլոր եղանակներին:

Կայցելենք նաև XII-XIII դարերում համանուն գյուղում կառուցված Գոշավանք, որը միջնադարյան Հայաստանի մշակութային, կրթական և կրոնական խոշորագույն կենտրոններից մեկն էր: Ըստ աղբյուրների՝ հանդիսանում էր որպես սեմինարիա, համալսարան և այլն: Մինչ օրս մեզ են հասել Գոշավանքում գրված բազմաթիվ ձեռագրեր:

Վերադարձ Երևան:

Նախաճաշ հյուրանոցում: Դուրսգրում հյուրանոցից:

Կայցելենք Երևանի կենտրոնական շուկա: Չրերն ու քաղցր սուջուխը ազգային հպարտությունն են և կոնյակի լավագույն ուղեկիցը: Հայաստանում չիր կարող են պատրաստել համարյա ամեն ինչից՝ ներառյալ ձմերուկից, սեխից և նույնիսկ պոմիդորից:

Վերնիսաժում` ձեռագործ իրերի ցուցահանդես-տոնավաճառում կարող եք հուշանվերներ գնել ձեր մտերիմների համար: Այստեղ կգտնեք փայտից սարքված շախմատ և նարդի, ազգային ոճով պատրաստված կերամիկական իրեր, hand made զարդեր, ազգային երաժշտական գործիքներ, արծաթե զարդեր, նկարներ և այլն:

Հաջորդը կմեկնենք Հայաստանի հոգևոր քաղաք: Կայցելենք Ամենայն հայոց կաթողիկոսի նստավայր Մայր Աթոռ Սուրբ Էջմիածին` Մայր տաճար (301-303, հիմնովին նորոգվել՝ 483-484), որը գտնվում է ՅՈՒՆԵՍԿՕ-ի մշակութային ժառանգության ցանկում:

Կտեսնենք նաև ՅՈՒՆԵՍԿՕ-ի Համաշխարհային մշակութային արժեքների ցանկում ընդգրկված Զվարթնոց տաճարի ավերակներ: Տաճարն ավերվել է երկրաշարժի հետևանքով:

Տրանսֆեր օդանավակայան:

Մեզ հետ կապվելը շատ հեշտ է: Կայքում կարող եք պատվիրել զանգ, գրել էլեկտրոնային նամակ կամ «Ցանկանում եմ գալ Հայաստան» տեքստով հաղորդագրություն ուղարկել: Մենք կկապվենք Ձեզ հետ ամենամոտ ժամանակում: