Սաղմոսավանք-Հովհաննավանք-Հայոց այբուբենի հուշարձան-Քարի լիճ-Ամբերդ

Սաղմոսավանք

 

Սաղմոսավանք (սաղմոս` հոգևոր երգ), վանական համալիր Հայաստանի  Արագածոտնի Սաղմոսավան գյուղում, Քասախ գետի ձախ, բարձրադիր գեղատեսիլ հատվածում: Կառուցվել է 13-րդ դարում Այրարատյան կողմնակալության կողմնակալ Վաչե Վաչուտյանի և իր իշխանական ընտանիքի կողմից։

Ավանդության համաձայն, հայ առաջին կաթողիկոս Գրիգոր Լուսավորիչը 4-րդ դարում Արագածի գագաթից նկատել  է այս վայրը, եկել և եկեղեցի կառուցել: Այնուհետև այստեղ հավաքել է հոգևորականներին և նրանց սաղմոսներ սովորեցրել: Վանական համալիրը հրաշալի ակուստիկա ունի, այն միջնադարյան ամենահարուստ և նշանավոր հոգևոր կենտրոններից էր:

 

Հովհաննավանք

 

Հովհաննավանք (նվիրված է Հովհաննես Մկրտչին)՝ վանական համալիր Հայաստանի Արագածոտնի Օհանավան գյուղում, Քասաղ գետի կիրճի աջ եզրին, բարձր ու գեղատեսիլ վայրում։

Վանքի ամենահին շինությունը Սուրբ Կարապետ բազիլիկ տիպի եկեղեցին է՝ կառուցված 4-րդ դարի սկզբներին Գրիգոր Լուսավորչի կողմից։

6-րդ դարից արդեն Հովհաննավանքը հիշատակվում է իբրև դպրատուն, այն հայ գրչության նշանավոր կենտրոններից է եղել, ունեցել է հարուստ մատենադարան։ Այստեղ գրված ձեռագրերից մի քանիսը պահպանվել են։

 

Հայոց այբուբենի հուշարձան

 

Հայոց այբուբենի հուշարձան – արձանախումբը գտնվում է Արագածոտնի մարզի Արտաշավան գյուղում, Արագած լեռան արևելյան լանջին։ Կառուցվել է 2005 թվականին՝ հայոց գրերի ստեղծման 1600-ամյակի առթիվ։

Հուշարձանը ներառում է հայոց այբուբենի 39 տառերի զարդաքանդակները և հայ մեծերի հուշարձանները։

 

Քարի լիճ

 

Քարի լիճ - Արագածոտնի մարզում, Արագած լեռան լանջին։ Բարձրությունը ծովի մակերևույթից 3207 մ է:
Առաջացել է սառցե գոյացություններից։ Լիճը երկարատև շրջապատված է լինում ձյունով, ինչի պատճառով ջուրը բավականին սառն է մնում։

Լճի հարավային ափին է գտնվում Երևանի ֆիզիկայի ինստիտուտի Առաջնային տիեզերական ճառագայթների գրանցման ու հետազոտման կայանը, որը 1942 թ. հիմնել են Արտեմ Ալիխանյան և Աբրահամ Ալիխանով եղբայրները։

Ամբերդ

 

Ամբերդ (ամպի բարձրության բերդ), միջնադարյան բերդաքաղաք և ամրոց Արագած լեռան հարավային լանջին՝ Արքաշեն և Ամբերդ գետերի միացման տեղում:

Ամրոցը ներկայիս տեսքով կառուցել են Կամսարական իշխանները՝ 7-րդ դարում:

Առանձնակի հետաքրքրություն է ներկայացնում Ամբերդի լավ պահպանված բաղնիքը (կառուցված 10-11-րդ դարերում)՝ իր օժանդակ հարմարություններով, ջրամբարներով և կաթսայատնով:

Ամբերդում գործել են արհեստագործական կենտրոններ, որոնց նպատակը եղել է հայկական բանակի սպառազինության և հանդերձավորման ապահովումը:

Հնագիտական պեղումների արդյունքում հայտնաբերվել են մեծ քանակությամբ գորգի կտորներ, մետաղյա իրեր, զենքեր, զարդեր, խեցեղեն, ապակի, դրամներ և այլն:

Ամբերդը վերջնականապես կործանվել է 14-րդ դարի վերջին Լենկ-Թեմուրի արշավանքների ժամանակ և այլևս չի վերականգնվել:

 

 

Տևողությունը` 6-7 ժամ

Խմբային և անհատական էքսկուրսիաների արժեքը

(Գինը նշված է ավտոմեքենայի համար՝ անկախ մասնակիցների քանակից)

 

Գինն առանց էքսկուրսավարի
1-3 հոգի4-6 հոգի
7-ից ավելի
- դրամ
- դրամ
- դրամ
Գինն էքսկուրսավարով
1-3 հոգի4-6 հոգի
7-ից ավելի
- դրամ
- դրամ
- դրամ
 
Տուրի արժեքը չի ներառում ՝
  • Պատմա-մշակութային կենտրոնների մուտքի տոմսեր;
Top