Հայաստան - երկիր, որին կարելի է սիրահարվել
+37491 01 56 60
Whatsapp, Telegram, Viber
Անհատական և խմբային տուրեր դեպի Հայաստան
Շրջանաձև տուր Հայաստանում. «Բարձր լեռների գեղեցկությունը» (10 օր / 9 գիշեր)
Ուղևորության ամսաթիվը
Ուղևորության համար կարող եք ընտրել Ձեզ հարմար ցանկացած օր: Տուրը կազմակերպվում է ամբողջ տարվա ընթացքում:
Վճարումը
Մենք չունենք 100% կանխավճար: Տուրն ամբողջությամբ կարող եք վճարել էքսկուրսիոն ծրագրի մեկնարկից առաջ:
Տևողությունը
Կարող եք շտկումներ անել ծրագրում՝ համաձայն Ձեր նախապատվությունների: Մենք հաշվի կառնենք ձեր բոլոր ցանկությունները:
Ցածր գներ
Մեզ մոտ գործում են ցածր գներ: Մենք չենք վերավաճառում, այլ առաջարկում ենք մեր տուրերն՝ առանց միջնորդների:
Հայաստան, Հայաստան, Հայաստան... Երկիր, որը գերում է յուրաքանչյուրի սիրտը, ով երբևէ եղել է այստեղ։ Անհնար է չհիանալ բնության գեղեցկությամբ, հայկական խոհանոցի համով և բնակիչների հյուրընկալությամբ։
Եթե դեռ չեք որոշել, թե ինչպես անցկացնել ձեր հանգիստը, մենք առաջարկում ենք Հայաստանի տեսարժան վայրերով շրջանաձև տուր՝ «Բարձր լեռների գեղեցկությունը» (10 օր / 9 գիշեր): Ճանապարհորդության ընթացքում Դուք կտեսնեք բազմաթիվ ճարտարապետական հուշարձաններ, կծանոթանաք անկրկնելի մշակութային ավանդույթների հետ, կստանաք բազմաթիվ նոր տպավորություններ, իսկ տեղական համեղ ուտեստներն ու ավանդական հյուրընկալությունը ոչ մեկին անտարբեր չեն թողնի։
Վստահեք Ձեր ճանապարհորդության կազմակերպումը մեր պրոֆեսիոնալ թիմին։ «ExploreArmenia» տուրօպերատորի առաջարկած Հայաստանում ճանապարհորդությունը վառ հույզերի և ցածր գների համադրությունն է։
«Բարձր լեռների գեղեցկությունը» տուրի էքսկուրսիոն ծրագիրը (10 օր / 9 գիշեր)
Օր 1 – Օդանավակայան – Երևանի տեսարժան վայրերով էքսկուրսիա – «Մեգերյան» գորգերի գործարան
Դիմավորում օդանավակայանում։
Տուրը Հայաստանում կսկսենք Երևանի տեսարժան վայրերի էքսկուրսիայով: Մայրաքաղաքի ճարտարապետությունն առանձնահատուկ և ինքնատիպ է։ Այսօր Երևանն այնպիսի քաղաք է, որտեղ կհանդիպես տարբեր ճարտարապետական ոճերի՝ կանաչ ծառուղիներով և բազմաթիվ շատրվաններով։
Այնուհետև կայցելենք «Մեգերյան» գորգերի գործարան, որտեղ կկարողանանք տեսնել իսկական ձեռագործ գորգեր, կունենանք կարճ էքսկուրսիա՝ գորգագործության պատրաստման տեխնոլոգիայի մասին պատմությամբ։
Հաջորդիվ կգնանք դեպի Կասկադ։ Մեծ Կասկադը 500-մետրանոց աստիճանաշար է (572 աստիճան)՝ շատրվաններով և ծաղկաթմբերով, ինչպես նաև թանգարան՝ բաց երկնքի տակ, որտեղ ներկայացված են հայտնի վարպետների մոտ 30 քանդակներ: Համալիրի ներսի 5 հարկում Գաֆեսճյան արվեստի կենտրոնն է։
Տեղավորում հյուրանոցում։
Օր 2 – «Էրեբունի» թանգարան – Գառնի – Լավաշ թխելու վարպետաց դաս – Գեղարդ – Երևան
Նախաճաշ հյուրանոցում։
Ապա կայցելենք «Էրեբունի» թանգարան՝ Երևան քաղաքի պատմական թանգարաններից մեկը, որը գտնվում է Արին բերդ բլրի վրա՝ Էրեբունի ուրարտական ամրոցի մնացորդների կողքին։ Երևան քաղաքի հիմնադրման պատմության թանգարանը կառուցվել է 1968 թվականին։ Թանգարանում ցուցադրվում են ուրարտական դարաշրջանին վերաբերող ցուցանմուշներ՝ զենքեր, զրահներ, սեպագիր արձանագրության օրինակներ, գավաթներ, սափորներ, կնիքներ և այլն։
Հայաստանում մեր ճանապարհորդությունը կշարունակենք դեպի Գառնիի հեթանոսական տաճար, որը կառուցել է հայոց Տրդատ I թագավորը I դարում և նվիրված է արևի աստծուն` Միհրին։ Ազատ գետի կիրճը հայտնի է իր բազալտե սյուներով, որոնք հրաբխային լավայի հոսքի արդյունք են։
Լավաշ թխելու վարպետաց դաս: Հայկական լավաշը 2014 թվականին ներառվել է ՅՈՒՆԵՍԿՕ-ի ոչ նյութական ժառանգության ցանկում:
Հաջորդ կանգառը կլինի Գեղարդի վանական համալիրում. ընդգրկված է ՅՈՒՆԵՍԿՕ-ի Համաշխարհային մշակութային ժառանգության ցանկում: Ամբողջական անվանումն է Գեղարդավանք (Գեղարդ՝ տեգ բառից)։ Վանական համալիրի անվանումը գալիս է Սուրբ Գեղարդից, որով հռոմեացի զինվոր Լոնգինուսը խոցել է Հիսուս Քրիստոսին։ Գեղարդն այժմ պահվում է Էջմիածնի Մայր տաճարի գանձարանում։
Վերադարձ Երևան։
Օր 3 – Երևան – Խոր Վիրապ – Նորավանք – «Տաթևի թևեր» ճոպանուղի – Տաթև – Գորիս
Նախաճաշ հյուրանոցում։ Սենյակի հանձնում:
Հայաստանում էքսկուրսիոն այս օրը կսկսվի հայկական Խոր Վիրապ վանական համալիր այցելությամբ, որը գտնվում է Արարատ լեռան ստորոտին: Այն ուխտատեղի է, որը կապված է Գրիգոր Լուսավորչի լեգենդի հետ։ Եկեղեցական ավանդության համաձայն՝ Գրիգորը Տրդատ III թագավորի հրամանով բանտարկվել է զնդանում, դատապարտվել քրիստոնեություն դավանելու համար և այնտեղ անցկացրել շուրջ 14 տարի։ Ցանկացողները կարող են իջնել զնդան, որն ունի 6 մ խորություն և 4,4 մ տրամագիծ։
Շատ մոտ հեռավորությունից և իր ողջ փառքով ձեր առջև կհայտնվի Հայաստանի խորհրդանիշը՝ Արարատ լեռը։
Հաջորդիվ կուղևորվենք Արենի գյուղից 7 կիլոմետր դեպի արևելք գտնվող Նորավանք վանական համալիր՝ կառուցված XIII–XIV դարերում։ Համալիրը գտնվում է Արփա գետի վտակի նեղ ոլորուն կիրճի եզրին։ Կիրճը հայտնի է վանքի հետևում բարձրացող ուղղաձիգ կարմիր ժայռերով։
«Տաթևի թևեր» ճոպանուղին (աշխարհի ամենաերկար հետադարձելի ճոպանուղին է՝ 5752 մ, ընդգրկված է Գինեսի ռեկորդների գրքում) Որոտանի գեղեցիկ կիրճի վրայով մեզ կտանի ուղիղ դեպի Տաթևի վանական համալիր (IX–XIII դդ.), որը գտնվում է հսկա կիրճի եզրին։ Տաթևը միջնադարի ամենահայտնի հոգևոր և կրթական կենտրոններից մեկն էր։ Համալիրը կարելի է անվանել երկրի ամենանշանավոր վայրերից մեկը։
Գիշերակաց Գորիս քաղաքում։
Օր 4 – Գորիս – Խնձորեսկ – Քարահունջ – Ջերմուկ – Սելիմի կարավանատուն – Նորատուս – Սևան
Նախաճաշ հյուրանոցում։ Սենյակի հանձնում:
Շարունակում ենք մեր ճանապարհորդությունը Հայաստանում և ուղևորվում դեպի Խնձորեսկ։ Գլխավոր տեսարժան վայրը «Քարանձավային քաղաքն» է։ Մարդիկ քարանձավային բնակատեղիներում ապրել են մինչև 1958 թվականը։ 2012 թվականին կիրճի վրա կառուցվել է «Ճոճվող կամուրջ», որը միմյանց հետ է կապում հին Խնձորեսկ գյուղի երկու ափերը։ Կամրջի բարձրությունը 60 մ է, երկարությունը՝ 160 մ, քաշը՝ 14 տոննա։
Այնուհետև՝ 1770 մ բարձրության վրա գտնվող նախապատմական համալիր Քարահունջ («Զորաց քարեր»), որն անվանում են նաև «Հայկական Սթոունհենջ»։ Համալիրը բաղկացած է բազմաթիվ խոշոր քարերից, որոնցից մի քանիսը վերին մասերում ունեն կլոր անցքեր։ Քարահունջն աշխարհի ամենահին աստղադիտարաններից մեկն է։
Ուղևորություն դեպի Ջերմուկ՝ առողջարանային քաղաք Հայաստանի Վայոց ձորի մարզում։ Գտնվում է Արփա գետի ափին՝ Կեչուտի ջրամբարից հյուսիս՝ Զանգեզուրի լեռնաշղթայից արևմուտք գտնվող սարահարթի վրա։ Քաղաքում արտադրվում է հայտնի «Ջերմուկ» հանքային սեղանի ջուրը։ Այստեղ է գտնվում Ջերմուկի ջրվեժը։ Քաղաքի մոտակայքում կան միջնադարյան քարանձավային համալիրներ։
Կանգառ Սելիմի քարավանատանը, որը Հայաստանում պահպանված բազմաթիվ քարավանատներից մեկն էր, և գիշերակաց էր տրամադրում Հայաստանի միջով դեպի Եվրոպա և Արևելք գնացող, ապրանքներով բեռնված քարավաններին: Այն գտնվում է Սելիմի լեռնանցքի գրեթե ամենավերևում՝ ծովի մակարդակից 2410 մ բարձրության վրա։ Մուտքի վերևում գտնվող արձանագրությունները վկայում են քարավանատան կառուցման ամսաթիվը (1326–1327), թեև մեկ այլ արձանագրությամբ՝ շինարարությունն ավարտվել է 1332 թվականին։
Տեղափոխում դեպի Նորատուս՝ Սևանա լճի ափին գտնվող գյուղ։ Ըստ հետազոտողների՝ հենց այստեղ են գտնվում հայկական խաչքարերի աշխարհի ամենամեծ համալիրը և ամենահին հայկական գերեզմանատունը։ Նորատուս գյուղի գերեզմանոցի ամենահին խաչքարը, ենթադրաբար, թվագրվում է 9-րդ դարով։
Կայցելենք Միքայելյանների ընտանիքի արհեստագործական պանիրների արտադրություն։ Ընտանիքն արտադրում է պանրի բացառիկ տեսակներ Հայաստանի Գեղարքունիքի մարզում։ Նրանց մոտ կարող եք փորձել պանրի ոգելից տեսակներ՝ կաչոտտա՝ խաղողի տերևների մեջ փաթաթած պանիր, պարմեզանի տարատեսակ, որն անվանել են «Արմեզան»:
Գիշերակաց Սևանա լճի ափին։
Օր 5 – Սևանավանք – Դիլիջան – Հաղարծին – Գոշավանք – Իջևանի գինու գործարան – Դիլիջան
Նախաճաշ հյուրանոցում։ Սենյակի հանձնում:
Օրը կսկսենք Սևանա լճի ափի երկայնության զբոսանքով։ Սևանա լիճը քաղցրահամ լիճ է Հայկական լեռնաշխարհում, Հարավային Կովկասի ամենամեծ լիճն է։ Այն տարածաշրջանում քաղցրահամ ջրի ապահովման խոշոր աղբյուր է։
Այցելություն Սևանավանք՝ վանական համալիր Սևանա լճի հյուսիսարևմտյան ափին: Վանքը գտնվում է Սևանի թերակղզում, որը նախկինում փոքրիկ կղզի էր։
30-րոպեանոց նավարկություն Սևանա լճում (անցկացվում է մայիսի կեսերից մինչև հոկտեմբերի կեսերը):
Կշարունակենք մեր ճանապարհորդությունը դեպի Հայաստանի Տավուշի մարզ՝ գեղատեսիլ Աղստև գետի ափին գտնվող փոքրիկ առողջարանային քաղաք Դիլիջան։
Հաջորդ կանգառը կլինի Հաղարծնի վանքում, որը կառուցվել է X–XIII դարերում՝ մեծամասամբ Բագրատունիների տոհմի հովանավորությամբ։
Հետո կուղևորվենք Գոշ գյուղ, որտեղ գտնվում է Գոշավանքը՝ XII–XIII դարերի վանական համալիրը։ Գոշավանքը եղել է միջնադարյան Հայաստանի մշակութային, կրթական և կրոնական կենտրոն։ Աղբյուրներում հիշատակվում է որպես ճեմարան, համալսարան և այլն։
Կշարունակենք մեր ծանոթությունը Հայաստանի հետ և կայցելենք Իջևան քաղաք: Մեզ սպասվում է էքսկուրսիա Իջևանի գինու գործարան՝ կառուցված 1951 թվականին։ Գործարանը գտնվում է Աղստև և Սպիտակ ջուր գետերի միջև։ Քանի որ այն գտնվում է Հայաստանի հյուսիսարևելյան մասում, նրա օրգանական խաղողի այգիներն ունեն բարենպաստ կլիմայական պայմաններ եվրոպական խաղողի սորտերի աճեցման համար։ Իջևանի գինու գործարանը հայկական գինու և կոնյակի արտահանման առաջատարներից է։ Եվ, իհարկե, էքսկուրսիայից հետո մեզ սպասվում է հայկական գինիների համտես։
Գիշերակաց Դիլիջանում։
Օր 6 – Դիլիջան – Սանահին – Միկոյան եղբայրների թանգարան – Ախթալա – Հաղպատ
Նախաճաշ հյուրանոցում։ Սենյակի հանձնում:
Առավոտը կսկսենք Հայաստանի Լոռու մարզ ուղևորությամբ։ Կայցելենք Սանահին գյուղ, որտեղ գտնվում է հայկական ճարտարապետության հուշարձան՝ X–XIII դարերի եկեղեցական համալիր։ 1996 թվականից Սանահինի վանքը ներառված է ՅՈՒՆԵՍԿՕ-ի Համաշխարհային ժառանգության ցանկում։
Գյուղում է գտնվում նաև Միկոյան եղբայրների՝ Անաստասի և Արտեմի թանգարանը։ Անաստաս Միկոյանը խորհրդային ժամանակաշրջանի քաղաքական գործիչ էր, որը երկար տարիներ եղել է խորհրդային կառավարության ամենաբարձրաստիճան պաշտոնյաներից։ Արտեմ Միկոյանը հայտնի խորհրդային ավիակոնստրուկտոր էր, Միկոյանի անվան կոնստրուկտորական բյուրոյի ղեկավարը։ Արտեմ Միկոյանը Միխայիլ Գուրևիչի հետ համատեղ ստեղծել է կործանիչ ինքնաթիռների շարք՝ ՄիԳ (Միկոյան և Գուրևիչ): Առաջին ՄիԳ-երը (ՄիԳ-1 և ՄիԳ-3) մասնակցել են Հայրենական մեծ պատերազմին։ Պատերազմից հետո ստեղծվեց առաջին ռեակտիվ ինքնաթիռը՝ ՄիԳ-9-ը։
Ուղևորություն դեպի Ախթալա՝ քաղաք Հայաստանի Լոռու մարզում՝ Դեբեդ գետի կիրճում։ Ախթալայի մոտ՝ լեռան բարձր սարահարթի վրա է գտնվում հայկական Ախթալայի վանքը, որը հիմնադրվել է X դարում՝ որպես պաշտպանական ամրոցներից մեկը։ Ախթալայի վանքը հայկական որմնանկարչության զարգացման ամենացայտուն օրինակներից է, ինչպես նաև ազգամիջյան ավանդույթի կրող. ամեն տարի սեպտեմբերին այստեղ այցելում են հայ, հույն և վրացի ուխտավորներ։
Մենք կշարունակենք մեր ճանապարհորդությունը դեպի Հաղպատի գործող վանք, որը գտնվում է Հաղպատ գյուղի հարավարևելյան մասում։ Հիմնադրվել է 976 թվականին՝ Աշոտ Գ Բագրատունու գահակալության ժամանակ։ Հաղպատը հոգևոր և մշակութային կարևորագույն կենտրոններից մեկն էր։ 1996 թվականին այն ընդգրկվել է ՅՈՒՆԵՍԿՕ-ի Համաշխարհային ժառանգության ցանկում։
Գիշերակաց Հաղպատ գյուղում։
Օր 7 – Հաղպատ – Օձուն – Լոռի բերդ – Ստեփանավանի դենդրոպարկ – Գյումրի
Նախաճաշ հյուրանոցում։ Սենյակի հանձնում:
Առավոտը կսկսենք Օձունի վանք (VI դար) այցելությամբ։ Եկեղեցին մի քանի անգամ վերակառուցվել և վերականգնվել է։ Այսպիսով, XIX դարում եկեղեցու արևելյան մասում կառուցվեցին երկու զանգակատներ։ Վերջին վերականգնումը, որին մասնակցել են Միլանի պոլիտեխնիկական ինստիտուտի (Իտալիա) մասնագետները, ավարտվել է 2014 թվականին։
Կանգառ Լոռի բերդում՝ միջնադարյան ամրոց Լոռու մարզում։ 1065-ից մինչև 1113 թվականը Լոռին հայկական Լոռու թագավորության կենտրոնն էր։ Այստեղ X դարում հիմնադրվել է ամրոց, որի միջնաբերդը զբաղեցնում էր 8,5 հեկտար տարածք և պաշտպանված էր մոտ 200 մետր երկարությամբ հզոր պաշտպանական պարսպով։ Պարսպի երկայնքով ջրով լցված փորվածք է եղել։
Ուղևորություն դեպի Ստեփանավանի կամ «Սոճուտի» դենդրոպարկ, որը գտնվում է Ստեփանավան քաղաքի մոտ։ Դենդրոպարկի տարածքը 35 հեկտար է, որից 17,5 հեկտարը բնական անտառներ են, իսկ 15 հեկտարը՝ դեկորատիվ ծառեր։ Գտնվում է ծովի մակարդակից 1550 մ բարձրության վրա։ 1930-ական թվականներին լեհ կենսաբան Էդմոնդ Լեոնովիչը այցելելով Հայաստան՝ հիացել է նրա բնությամբ և որոշել այստեղ դենդրոպարկ հիմնել, այստեղ նաև տուն է կառուցել։ Դենդրոպարկը հիմնադրվել է 1933 թվականին։
Ուղևորվում ենք դեպի Գյումրի՝ բնակչության թվաքանակով Հայաստանի երկրորդ խոշորագույն քաղաքը, որը Շիրակի մարզի մարզկենտրոնն է։ Հնագետների կարծիքով՝ ժամանակակից Գյումրու տարածքում առաջին բնակավայրերը հայտնվել են բրոնզի դարում։ Հայտնի է, որ այն բնակավայրը, որտեղ այժմ գտնվում է Գյումրին, հնում կոչվել է Կումայրի։
Գիշերակաց Գյումրի քաղաքում։
Օր 8 – Գյումրի – Ֆրունզիկ Մկրտչյանի թանգարան – Ձիթողցոնց տուն-թանգարան – Սև բերդ – Երևան
Նախաճաշ հյուրանոցում։ Սենյակի հանձնում:
Այս օրը կսկսենք Գյումրու տեսարժան վայրերով տուրով։ Քաղաքը հայտնի է իր 19-րդ դարի ճարտարապետությամբ և քաղաքային կառույցներով։ Կումայրի պատմական թաղամասը Գյումրու հին հատվածն է՝ յուրահատուկ ճարտարապետությամբ։ Այստեղ հաշվվում են հազարից ավելի շենքեր, որոնք կառուցվել են 18-րդ և 19-րդ դարերում: Այս թաղամասը Հայաստանի Հանրապետության և աշխարհի այն քիչ վայրերից մեկն է, որտեղ կա հայկական քաղաքի ավանդական ճարտարապետություն։ Կումայրի թաղամասի գրեթե բոլոր շենքերը դիմացել են համապատասխանաբար՝ 1926 և 1988 թվականների երկու ուժեղ երկրաշարժերին։
Կայցելենք նշանավոր հայ դերասան Ֆրունզիկ Մկրտչյանի (Մհեր Մկրտչյան) թանգարան։ Մհեր Մկրտչյանի ֆիլմագրության մեջ են մտնում այնպիսի հայտնի ֆիլմեր, ինչպիսիք են՝ «Մեր մանկության տանգոն», «Կովկասի գերուհին», «Ունայնություն ունայնությանց», «Միմինո» և այլն: Տունը կառուցվել է 20-րդ դարի սկզբին սև տուֆից և սկզբնապես եղել է բնակելի տարածք:
Հաջորդիվ կայցելենք Գյումրու ժողովրդական ճարտարապետության և քաղաքային կենցաղի թանգարան (Ձիթողցոնց տուն-թանգարան)։ Այն հին առանձնատուն է, որտեղ պահվում են Գյումրու պատմությանը և առօրյա կյանքին վերաբերող հավաքածուներ, ինչպես նաև նկարներ և արվեստի այլ գործեր։
Կայցելենք Սև բերդ՝ Ռուսական կայսրության ժամանակներում կառուցված ամրոց, որը գտնվում է Գյումրի քաղաքի տարածքում։ Այն կառուցվել է 19-րդ դարի կեսերին՝ 1828–1829 թվականների ռուս-թուրքական պատերազմի ավարտից հետո։ Ներկայում այն Գյումրու գլխավոր պատմական և ճարտարապետականարժեքներից մեկն է։
Տեղափոխում Երևան։ Տեղավորում հյուրանոցում։
Օր 9 – Ծիծեռնակաբերդ – «ԱրԱրԱտ» կոնյակի գործարան – Էջմիածին – Զվարթնոց – Երևան
Նախաճաշ հյուրանոցում։
Կայցելենք Ծիծեռնակաբերդի հուշահամալիր (նվիրված 1915 թվականի Հայոց ցեղասպանության զոհերի հիշատակին) և Ցեղասպանության թանգարան։
Այնուհետև կայցելենք «ԱրԱրԱտ» կոնյակի գործարան, որտեղ մեզ սպասվում է հետաքրքրաշարժ էքսկուրսիա՝ 2 տեսակի կոնյակի համտեսմամբ (3 տարվա «Արարատ» և 10 տարվա «Ախթամար»):
Հետո կուղևորվենք Սբ Էջմիածին՝ Հայ առաքելական եկեղեցու կենտրոն, որտեղ գտնվում է կաթողիկոսի նստավայրը։ Կայցելենք Էջմիածնի Մայր տաճար (301–303, հիմնովին նորոգվել՝ 483–484), որն ընդգրկված է ՅՈՒՆԵՍԿՕ-ի Համաշխարհային ժառանգության ցանկում։
Կայցելենք երկրաշարժի հետևանքով ավերված Զվարթնոց տաճարի ավերակները։ 2000 թվականին տաճարի ավերակները և նրա շրջակայքի հնագիտական տարածքը ներառվել են ՅՈՒՆԵՍԿՕ-ի Համաշխարհային ժառանգության ցանկում։
Վերադարձ Երևան։
Օր 10 – Կենտրոնական շուկա – Վերնիսաժ – Օդանավակայան
Նախաճաշ հյուրանոցում։ Սենյակի հանձնում:
Կայցելենք Երևանի կենտրոնական շուկա։ Չրերը ազգային հարստություն են և կոնյակի սովորական ուղեկիցը: Հայաստանում կարծես թե ամեն ինչից կարելի է չիր պատրաստել, այդ թվում՝ ձմերուկից, սեխից և նույնիսկ լոլիկից:
Ապա՝ Վերնիսաժ՝ ժողովրդական արվեստի ապրանքների շուկա։ Այստեղ դուք կգտնեք փայտից պատրաստված շախմատ և նարդի, ազգային ոճով պատրաստված կերամիկա, ձեռագործ զարդեր, ավանդական երաժշտական գործիքներ, արծաթե իրեր, նկարներ և շատ ավելին:
Տեղափոխում օդանավակայան։
Հայաստան, երկիր, որին կարելի է սիրահարվել
Դեռ չգտա՞ք Ձեզ հարմար տուրը
Կայքում ներկայացված է տարատեսակ ուղևորությունների միայն մի մասը: Եթե առաջարկների մեջ չեք գտել Ձեզ հետաքրքրողը, ապա տուրօպերատոր ExploreArmenia-ի մենեջերները սիրով կօգնեն Ձեզ: Միասին կկազմենք ցանկացած քանակի օրերի համար դեպի Հայաստան տուրի Ձեր տարբերակը, որտեղ կընդգրկվեն այն վայրերը, որոնք անպայման ուզում եք այցելել: Թողեք հայտ կայքում, և մենք կընտրենք լավագույն տուրը՝ հաշվի առնելով Ձեր բոլոր ցանկությունները:
Տուրի գնացուցակ (գինը նշված է 1 հոգու համար)
Կենտրոնից 3–4 կմ հեռավորության վրա գտնվող հյուրանոցում տեղավորման արժեքը
2 հոգի | 4 հոգի | 6 հոգի | 8 հոգի | 10 հոգի | սկսած 11 հոգուց |
|---|---|---|---|---|---|
557.000 դրամ | 391.000 դրամ | 328.000 դրամ | 305.000 դրամ | 279.000 դրամ | ըստ հարցման |
Կենտրոնում գտնվող հյուրանոցում տեղավորման արժեքը
2 հոգի | 4 հոգի | 6 հոգի | 8 հոգի | 10 հոգի | սկսած 11 հոգուց |
|---|---|---|---|---|---|
578.000 դրամ | 411.000 դրամ | 348.000 դրամ | 325.000 դրամ | 299.000 դրամ | ըստ հարցման |
Խնդրում ենք նաև նկատի ունենալ, որ ինչ նկարագրված է ծրագրում, արդեն ներառված է տուրի արժեքի մեջ։ ԼՐԱՑՈՒՑԻՉ ՎՃԱՐՆԵՐ ՉԿԱ՜Ն:
Ի՞նչ է ներառված տուրի արժեքի մեջ
Տեղափոխում օդանավակայան-հյուրանոց-օդանավակայան
Բնակություն 3* հյուրանոցներում՝ նախաճաշով
Տրանսպորտային սպասարկում հարմարավետ մեքենաներով
Զբոսավարի ծառայություն ողջ տուրի ընթացքում
Պատմա-մշակութային կենտրոնների մուտքի տոմսեր
Շշալցված ջուր սպասարկող մեքենայում
Շուրջօրյա (հեռախոսով) աջակցություն հյուրերին
Տուրի արժեքը չի ներառում
Ավիատոմսեր
Մուտքի վիզա (եթե դրա անհրաժեշտությունը կա)
Բժշկական ապահովագրություն
Ոգելից խմիչքներ
Խնդրում ենք ուշադրություն դարձնել.
Ցանկության դեպքում կարելի է ընտրել Հայաստանի որևէ այլ հյուրանոց (3*, 4*, 5*, հյուրատուն և այլն): Ինչպես նաև կեցությունը հնարավոր է հոսթելում կամ մասնավոր բնակարանում (անհրաժեշտ է նախապես համաձայնեցնել մենեջերի հետ): Տուրի արժեքը կվերանայվի:
Տուրն անվճար է մինչև 5 տարեկան երեխաների համար
50% զեղչ գործում է 6-ից 10 տարեկան երեխաների համար՝ սենյակում լրացուցիչ մահճակալ տեղադրելու պայմանով
Տուրերում նշված տեսարժան վայրերի այցելության ժամն ու հերթականությունը հնարավոր է փոփոխվեն: Առաջին և վերջին օրերի էքսկուրսիոն ծրագիրը կախված կլինի ձեր ժամանումից և մեկնումից, ինչպես նաև շաբաթվա օրից: Խնդրում ենք հաշվի առնել, որ Հայաստանի թանգարանները երկուշաբթի օրերը չեն աշխատում:
Մեզ հետ կապվելը շատ հեշտ է: Կայքում կարող եք պատվիրել զանգ, գրել էլեկտրոնային նամակ կամ «Ցանկանում եմ գալ Հայաստան» տեքստով հաղորդագրություն ուղարկել: Մենք կկապվենք Ձեզ հետ ամենամոտ ժամանակում:
Հեռախոս:
(+374 91) 01 56 60 (Viber, Whatsapp)
Էլ. հասցե:
Ամրագրել ուղևորություն / Ուղարկել հարցում
(*) նշանով դաշտերը պարտադիր են լրացման
«ExploreArmenia» տուրօպերատորն առաջարկում է անհատական և խմբային տուրեր Հայաստանում։ Մեր կատալոգում ներկայացված են էքսկուրսիոն, գինու, գաստրոնոմիական, քայլարշավային, ջիպով, էքստրեմալ, կորպորատիվ տուրեր Հայաստանում, Հայաստան + Վրաստան համակցված տուրեր, ինչպես նաև մեկօրյա էքսկուրսիաներ` պրոֆեսիոնալ գիդերի ուղեկցությամբ:
