Հայաստան - երկիր, որին կարելի է սիրահարվել
+37491 01 56 60
Whatsapp, Telegram, Viber
Անհատական և խմբային տուրեր դեպի Հայաստան
Հանգիստ Հայաստանում (5 օր / 4 գիշեր)
Ուղևորության ամսաթիվը
Ուղևորության համար կարող եք ընտրել Ձեզ հարմար ցանկացած օր: Տուրը կազմակերպվում է ամբողջ տարվա ընթացքում:
Վճարումը
Մենք չունենք 100% կանխավճար: Տուրն ամբողջությամբ կարող եք վճարել էքսկուրսիոն ծրագրի մեկնարկից առաջ:
Տևողությունը
Կարող եք շտկումներ անել ծրագրում՝ համաձայն Ձեր նախապատվությունների: Մենք հաշվի կառնենք ձեր բոլոր ցանկությունները:
Ցածր գներ
Մեզ մոտ գործում են ցածր գներ: Մենք չենք վերավաճառում, այլ առաջարկում ենք մեր տուրերն՝ առանց միջնորդների:
Ինչո՞ւ ընտրել հանգիստը Հայաստանում։ Քանի որ օտար երկրներում ապրող մեր բարեկամների շրջանում այն մեծ պահանջարկ ունի մի քանի պատճառով.
մատչելի գներ,
շատ ավիաընկերություններ թռիչքներ են առաջարկում դեպի Երևան աշխարհի տարբեր քաղաքներից,
եթե դուք հայերեն չեք խոսում. Հայաստանի բնակչության ավելի քան 80 %-ը տիրապետում է ռուսերենին ու անգլերենին։
Մարդիկ Հայաստան հանգստանալու են գալիս ոչ միայն իրենց ողջ արձակուրդի ընթացքում, այլև պարզապես մի քանի օրով՝ ողջ ընտանիքով, ընկերական խմբերով կամ զույգերով։ Վստահ ենք, որ Ձեր ճանապարհորդությունը կհիշվի ողջ կյանքի ընթացքում։
2025 թվականին հանգիստ Հայաստանում կարելի է պլանավորել ողջ տարվա ընթացքում։ Հայաստանում էքսկուրսիոն տուրերը մշտական պահանջարկ ունեն։ Էքսկուրսիաների ընթացքում հնարավորություն կունենաք ծանոթանալու երկրի տեսարժան վայրերին, այցելելու պատմամշակութային կենտրոններ, տեսնելու, թե ինչպես են թխում ազգային հացը՝ լավաշը, ճաշակելու ազգային խոհանոցի ուտեստներից, ինչպես նաև համտեսելու ազգային հարստություն համարվող կոնյակ։
Թեև Հայաստանը ծով չունի, բայց լողի սիրահարներին իրենց արձակուրդի ընթացքում կարող ենք առաջարկել հանգիստ Սևանում։ Սևանա լիճը բարձրլեռնային քաղցրահամ լիճ է և Հարավային Կովկասի ամենամեծ լիճն է։ Լողի սեզոնը սկսվում է հունիսին և տևում է մինչև սեպտեմբերի վերջ։ Նրանք, ովքեր չեն սիրում հյուրանոցներ, մենք կարող ենք առաջարկել հանգիստ Սևանա լճի ափին՝ տեղավորելով մասնավոր հյուրատներում։
Իսկ նրանց համար, ովքեր սիրում են հանգստանալ անտառում, Հայաստանում «ExploreArmenia» տուրօպերատորն առաջարկում է քայլարշավային տուրեր դեպի Դիլիջանի ազգային պարկ, արշավներ՝ տարբեր շրջաններ։ Ձմեռային արձակուրդ ունեցողներին կարող ենք առաջարկել ձմեռային հանգիստ Հայաստանում՝ Ծաղկաձորի լեռնադահուկային հանգստավայրում, Ջերմուկի առողջարաններում և այլն:
Հանգիստ Հայաստանում էքսկուրսիոն ծրագիր (5 օր / 4 գիշեր)
Օր 1 – Օդանավակայան – Երևանի տեսարժան վայրերով տուր – «Մեգերյան» գորգերի գործարան
Դիմավորում օդանավակայանում։
Տուրը Հայաստանում կսկսենք Երևանի տեսարժան վայրերի էքսկուրսիայով: Մայրաքաղաքի ճարտարապետությունն առանձնահատուկ և ինքնատիպ է։ Այսօր Երևանն այնպիսի քաղաք է, որտեղ կհանդիպես տարբեր ճարտարապետական ոճերի՝ կանաչ ծառուղիներով և բազմաթիվ շատրվաններով։
Այնուհետև կայցելենք «Մեգերյան» գորգերի գործարան, որտեղ կկարողանանք տեսնել իսկական ձեռագործ գորգեր, կունենանք կարճ էքսկուրսիա՝ գորգագործության պատրաստման տեխնոլոգիայի մասին պատմությամբ։
Հաջորդիվ կգնանք դեպի Կասկադ։ Մեծ Կասկադը 500-մետրանոց աստիճանաշար է (572 աստիճան)՝ շատրվաններով և ծաղկաթմբերով, ինչպես նաև թանգարան՝ բաց երկնքի տակ, որտեղ ներկայացված են հայտնի վարպետների մոտ 30 քանդակներ: Համալիրի ներսի 5 հարկում Գաֆեսճյան արվեստի կենտրոնն է։
Ցանկության դեպքում (լրացուցիչ վճարով) կայցելենք Երևանի կոնյակի գործարան, որտեղ մեզ սպասվում է հետաքրքրաշարժ էքսկուրսիա՝ 2 տեսակի կոնյակի (3 տարվա «Արարատ» և 10 տարվա «Ախթամար») համտեսմամբ։
Տեղավորում հյուրանոցում։
Օր 2 – «Էրեբունի» թանգարան – Գառնի – Լավաշ թխելու վարպետաց դաս – Գեղարդ – Երևան
Նախաճաշ հյուրանոցում։
Ապա կայցելենք «Էրեբունի» թանգարան՝ Երևան քաղաքի պատմական թանգարաններից մեկը, որը գտնվում է Արին բերդ բլրի վրա՝ Էրեբունի ուրարտական ամրոցի մնացորդների կողքին։ Երևան քաղաքի հիմնադրման պատմության թանգարանը կառուցվել է 1968 թվականին։ Թանգարանում ցուցադրվում են ուրարտական դարաշրջանին վերաբերող ցուցանմուշներ՝ զենքեր, զրահներ, սեպագիր արձանագրության օրինակներ, գավաթներ, սափորներ, կնիքներ և այլն։
Հայաստանում մեր ճանապարհորդությունը կշարունակենք դեպի Գառնիի հեթանոսական տաճար, որը կառուցել է հայոց Տրդատ I թագավորը I դարում և նվիրված է արևի աստծուն` Միհրին։ Ազատ գետի կիրճը հայտնի է իր բազալտե սյուներով, որոնք հրաբխային լավայի հոսքի արդյունք են։
Լավաշ թխելու վարպետաց դաս: Հայկական լավաշը 2014 թվականին ներառվել է ՅՈՒՆԵՍԿՕ-ի ոչ նյութական ժառանգության ցանկում:
Հաջորդ կանգառը կլինի Գեղարդի վանական համալիրում. ընդգրկված է ՅՈՒՆԵՍԿՕ-ի Համաշխարհային մշակութային ժառանգության ցանկում: Ամբողջական անվանումն է Գեղարդավանք (Գեղարդ՝ տեգ բառից)։ Վանական համալիրի անվանումը գալիս է Սուրբ Գեղարդից, որով հռոմեացի զինվոր Լոնգինուսը խոցել է Հիսուս Քրիստոսին։ Գեղարդն այժմ պահվում է Էջմիածնի Մայր տաճարի գանձարանում։
Վերադարձ Երևան։
Օր 3 – Երևան – Խոր Վիրապ – «Արենի» գինու գործարան – «Թռչունների քարանձավ» – Նորավանք – Երևան
Նախաճաշ հյուրանոցում։
Հայաստանում էքսկուրսիոն այս օրը կսկսվի հայկական Խոր Վիրապ վանական համալիր այցելությամբ, որը գտնվում է Արարատ լեռան ստորոտին: Այն ուխտատեղի է, որը կապված է Գրիգոր Լուսավորչի լեգենդի հետ։ Եկեղեցական ավանդության համաձայն՝ Գրիգորը Տրդատ III թագավորի հրամանով բանտարկվել է զնդանում, դատապարտվել քրիստոնեություն դավանելու համար և այնտեղ անցկացրել շուրջ 14 տարի։ Ցանկացողները կարող են իջնել զնդան, որն ունի 6 մ խորություն և 4,4 մ տրամագիծ։
Շատ մոտ հեռավորությունից և իր ողջ փառքով ձեր առջև կհայտնվի Հայաստանի խորհրդանիշը՝ Արարատ լեռը։
Կլինենք «Արենի» գինու մասնավոր գործարանում: Գործարանի համտեսի սրահում կփորձենք հայկական գինի։ Այս արտադրողի գինիները տարբերվում են անկրկնելի համով։ Բույրերի փունջն աստիճանաբար է բացվում՝ թողնելով հաճելի հետհամ:
Հաջորդիվ կայցելենք Արենի-1 քարանձավ՝ «Թռչունների քարանձավ», որտեղ 2008 թ. սեպտեմբերին հայտնաբերվել է աշխարհի ամենահին կոշիկը՝ ավելի քան 5500 տարեկան: Կոշիկը գտնվել է այծի եղջյուրների հետ միասին՝ խնամքով պատրաստված փոսում՝ 45 սմ խորությամբ և 44 սմ տրամագծով։ Այստեղ է գտնվել նաև աշխարհի ամենահին գինեգործարանը, որտեղ գինի են արտադրել ավելի քան վեց հազար տարի առաջ։
Հաջորդիվ կուղևորվենք Արենի գյուղից 7 կիլոմետր դեպի արևելք գտնվող Նորավանք վանական համալիր՝ կառուցված XIII–XIV դարերում։ Համալիրը գտնվում է Արփա գետի վտակի նեղ ոլորուն կիրճի եզրին։ Կիրճը հայտնի է վանքի հետևում բարձրացող ուղղաձիգ կարմիր ժայռերով։
Վերադարձ Երևան։
Օր 4 – Հին ձեռագրերի ինստիտուտ՝ Մատենադարան – Սևան – Դիլիջան – Հաղարծին – Գոշավանք – Երևան
Նախաճաշ հյուրանոցում։
Կայցելենք Մեսրոպ Մաշտոցի անվան հին ձեռագրերի ինստիտուտ՝ Մատենադարան։ Այստեղ պահվող ամենահին ձեռագրերը 5-րդ դարի են և կապվում են հայկական գիրը ստեղծած Մեսրոպ Մաշտոցի անվան հետ։
Ապա մեզ սպասվում է ուղևորություն դեպի Հայաստանի մարգարիտ՝ կապուտակ Սևան։ Սևանա լիճը քաղցրահամ լիճ է Հայկական լեռնաշխարհում, Հարավային Կովկասի ամենամեծ լիճն է։ Այն տարածաշրջանում քաղցրահամ ջրի ապահովման խոշոր աղբյուր է։
Այցելություն Սևանավանք՝ վանական համալիր Սևանա լճի հյուսիսարևմտյան ափին: Վանքը գտնվում է Սևանի թերակղզում, որը նախկինում փոքրիկ կղզի էր։
30-րոպեանոց նավարկություն Սևանա լճում (անցկացվում է մայիսի կեսերից մինչև հոկտեմբերի կեսերը):
Կշարունակենք մեր ճանապարհորդությունը դեպի Հայաստանի Տավուշի մարզ՝ գեղատեսիլ Աղստև գետի ափին գտնվող փոքրիկ առողջարանային քաղաք Դիլիջան։
Հաջորդ կանգառը կլինի Հաղարծնի վանքում, որը կառուցվել է X–XIII դարերում՝ մեծամասամբ Բագրատունիների տոհմի հովանավորությամբ։
Կայցելենք նաև Գոշավանք՝ XII–XIII դարերի վանական համալիր Հայաստանի Գոշ գյուղում։ Գոշավանքը եղել է միջնադարյան Հայաստանի մշակութային, կրթական և կրոնական կենտրոն։ Աղբյուրներում հիշատակվում է որպես ճեմարան, համալսարան և այլն։
Վերադարձ Երևան։
Օր 5 – Կենտրոնական շուկա – Վերնիսաժ – Ծիծեռնակաբերդ – Էջմիածին – Զվարթնոց – Օդանավակայան
Նախաճաշ հյուրանոցում։ Սենյակի հանձնում:
Կայցելենք Երևանի կենտրոնական շուկա։ Չրերը ազգային հարստություն են և կոնյակի սովորական ուղեկիցը: Հայաստանում կարծես թե ամեն ինչից կարելի է չիր պատրաստել, այդ թվում՝ ձմերուկից, սեխից և նույնիսկ լոլիկից:
Ապա՝ Վերնիսաժ՝ ժողովրդական արվեստի ապրանքների շուկա։ Այստեղ դուք կգտնեք փայտից պատրաստված շախմատ և նարդի, ազգային ոճով պատրաստված կերամիկա, ձեռագործ զարդեր, ավանդական երաժշտական գործիքներ, արծաթե իրեր, նկարներ և շատ ավելին:
Կայցելենք Ծիծեռնակաբերդի հուշահամալիր (նվիրված 1915 թվականի Հայոց ցեղասպանության զոհերի հիշատակին) և Ցեղասպանության թանգարան։
Հետո կուղևորվենք Սբ Էջմիածին՝ Հայ առաքելական եկեղեցու կենտրոն, որտեղ գտնվում է կաթողիկոսի նստավայրը։ Կայցելենք Էջմիածնի Մայր տաճար (301–303, հիմնովին նորոգվել՝ 483–484), որն ընդգրկված է ՅՈՒՆԵՍԿՕ-ի Համաշխարհային ժառանգության ցանկում։
Կայցելենք երկրաշարժի հետևանքով ավերված Զվարթնոց տաճարի ավերակները։ 2000 թվականին տաճարի ավերակները և նրա շրջակայքի հնագիտական տարածքը ներառվել են ՅՈՒՆԵՍԿՕ-ի Համաշխարհային ժառանգության ցանկում։
Տեղափոխում օդանավակայան։
Հայաստա՜ն, երկիր, որին կարելի է սիրահարվել
Հարմար տուր չե՞ք գտել։
Կայքում ներկայացված են միայն ճամփորդական տարբերակների մի փոքր մասը։ Եթե մեր առաջարկների մեջ որևէ հետաքրքիր բան չգտնեք, ապա Հայաստանում տուրօպերատոր ExploreArmenia-ի մենեջերները պատրաստ են ձեզ հետ միասին պլանավորել Երևանում հանգստի ձեր տարբերակը՝ ՑԱՆԿԱՑԱԾ ՔԱՆԱԿԻ ՕՐՎԱ համար և ընտրել այն վայրերը, որոնք դուք անպայման ցանկանում եք այցելել։ Ուղարկեք հարցում, և մենք կընտրենք ամենահարմար տուրն՝ ըստ ձեր ցանկության։
Տուրի գնացուցակ (գինը նշված է 1 հոգու համար)
Կենտրոնից 3–4 կմ հեռավորության վրա գտնվող հյուրանոցում տեղավորման արժեքը
2 հոգի | 4 հոգի | 6 հոգի | 8 հոգի | 10 հոգի | սկսած 11 հոգուց |
|---|---|---|---|---|---|
245.000 դրամ | 170.000 դրամ | 145.000 դրամ | 138.000 դրամ | 125.000 դրամ | ըստ հարցման |
Կենտրոնում գտնվող հյուրանոցում տեղավորման արժեքը
2 հոգի | 4 հոգի | 6 հոգի | 8 հոգի | 10 հոգի | սկսած 11 հոգուց |
|---|---|---|---|---|---|
265.000 դրամ | 192.000 դրամ | 165.000 դրամ | 158.000 դրամ | 145.000 դրամ | ըստ հարցման |
Խնդրում ենք նաև նկատի ունենալ, որ ինչ նկարագրված է ծրագրում, արդեն ներառված է տուրի արժեքի մեջ։ ԼՐԱՑՈՒՑԻՉ ՎՃԱՐՆԵՐ ՉԿԱ՜Ն:
Ի՞նչ է ներառված տուրի արժեքի մեջ։
Տրանսֆերներ օդանավակայան – հյուրանոց – օդանավակայան
Կացություն 3* հյուրանոցում՝ նախաճաշով
Հարմարավետ տրանսպորտային ծառայություն
Ուղեկցող գիդի ծառայություն ողջ տուրի ընթացքում
Պատմամշակութային կենտրոնների մուտքի տոմսեր
Շշալցված ջուր մեքենաներում
Շուրջօրյա աջակցություն հեռախոսով
Ի՞նչ ներառված չի տուրի արժեքի մեջ։
Ավիատոմսեր
Մուտքի վիզա (եթե անհրաժեշտ է)
Բժշկական ապահովագրություն
Ալկոհոլային խմիչքներ
Խնդրում ենք ուշադրություն դարձնել.
Ցանկության դեպքում կարող եք ընտրել ցանկացած այլ հյուրանոց (3*, 4*, 5*, հյուրատուն և այլն): Հնարավոր է նաև մնալ հոսթելում կամ մասնավոր բնակարանում (պետք է նախապես համաձայնեցնեք մենեջերի հետ): Տուրի արժեքը կվերահաշվարկվի։
Մինչև 5 տարեկան երեխաներին՝ անվճար
6-ից 10 տարեկան երեխաներին՝ 50 % զեղչ՝ լրացուցիչ մահճակալ տեղավորելու դեպքում։
Ծրագրում նշված էքսկուրսիոն վայրերի այցելման կարգն ու ժամանակը կարող են փոփոխվել։ Առաջին և վերջին օրերի էքսկուրսիոն ծրագիրը կախված կլինի ձեր ժամանման և մեկնման ժամանակից, ինչպես նաև շաբաթվա օրերից։ Խնդրում ենք նկատի ունեցեք, որ երկուշաբթի Հայաստանի թանգարաններում հանգստյան օր է։
Դեպի Երևան ուղևորություն ամրագրելը շա՜տ հեշտ է։ Կարող եք զանգ պատվիրել կայքում, գրել էլեկտրոնային հասցեին կամ պարզապես հաղորդագրություն ուղարկել՝ «ՈՒԶՈՒՄ ԵՄ ԳԱԼ ՀԱՅԱՍՏԱՆ» բառերով։ Մենք անպայման սեղմ ժամկետում կկապվե՜նք ձեզ հետ։
Հեռախոսահամար՝
(+374 91) 01 56 60 (Viber, Whatsapp)
Էլ. հասցե՝
Տուր ամրագրել / Հարցում ուղարկել
Աստղանիշով (*) նշված դաշտերը պարտադիր են լրացման համար
«ExploreArmenia» տուրօպերատորն առաջարկում է անհատական և խմբային տուրեր Հայաստանում։ Մեր կատալոգում ներկայացված են էքսկուրսիոն, գինու, գաստրոնոմիական, քայլարշավային, ջիպով, էքստրեմալ, կորպորատիվ տուրեր Հայաստանում, Հայաստան + Վրաստան համակցված տուրեր, ինչպես նաև մեկօրյա էքսկուրսիաներ` պրոֆեսիոնալ գիդերի ուղեկցությամբ:
