Խաչքարերի ստեղծման վարպետաց դաս

Խաչքարը հայկական ճարտարապետական հուշարձանների և սրբությունների տեսակ է, որը քարե կոթող է՝ փորագրված խաչի պատկերով: Խաչքար բառը կազմված է «խաչ» և «քար» արմատներից:

Խաչքարը հայ ինքնության մարմնավորումն է, Հայաստանի խորհրդանիշը: Այսպիսի հուշարձանների, որոնք մշակույթի խորհրդանիշ են, չեք հանդիպի աշխարհի որևէ այլ երկրի արվեստում:

Խաչքարեր սկսել են փորագրվել IV դարի սկզբին՝ Հայաստանում քրիստոնեության ընդունումից անմիջապես հետո: Հեթանոսական զոհասեղանների փոխարեն, նաև այն վայրերում, որտեղ հետագայում պետք է եկեղեցիներ ու վանքեր կառուցվեին, կանգնեցվել են փայտե խաչեր: Սակայն փայտը շուտ էր քայքայվում, ուստի դրանք սկսել են փոխարինել քարե խաչերով, իսկ IX դարից՝ ուղղանկյուն սալաքարերի վրա փորագրված խաչերով:

Քարի միջոցով հոգի և աղոթք արտահայտելու արվեստը, որը ծագել է հնագույն ժամանակներում, մինչև այսօր Հայաստանում զարգանում ու կատարելագործվում է:

Խաչքարերի ստեղծման վարպետաց դասը եզակի հնարավորություն է հպվելու ՅՈՒՆԵՍԿՕ-ի Համաշխարհային ոչ նյութական ժառանգությանը: 2010 թվականի նոյեմբերին խաչքարերի ստեղծման արվեստը՝ «Հայկական խաչքարի արվեստ. խաչքարի խորհուրդն ու խաչքարագործությունը» ձևակերպմամբ, ընդգրկվել է ՅՈՒՆԵՍԿՕ-ի մարդկության ոչ նյութական մշակութային ժառանգության ներկայացուցչական ցանկում:

Խաչքարերի ստեղծման վարպետաց դասի ընթացքում հմուտ վարպետներից կարող եք լսել ամենահայտնի խաչքարերի ստեղծման պատմության մասին, որտեղ է գտնվում խաչքարերի գերեզմանատունը և ինչպես է արվեստը զարգանում մեր ժամանակներում: Խաչքարերի ստեղծման գործընթացը կարելի է համեմատել մեդիտացիայի կամ հոգեբանական թերապիայի հետ:

Խաչքարերի ստեղծման վարպետաց դասը նոր հմտություն ձեռք բերելու և, հնարավոր է նաև՝ քարի վրա նկարի տեսքով ինքնարտահայտվելու միջոց է:

Մեզ հետ կապվելը շատ հեշտ է: Կայքում կարող եք պատվիրել զանգ, գրել էլեկտրոնային նամակ կամ «Ցանկանում եմ գալ Հայաստան» տեքստով հաղորդագրություն ուղարկել: Մենք կկապվենք Ձեզ հետ ամենամոտ ժամանակում: