Գինու տուր դեպի Հայաստան (5 օր) | ExploreArmenia.am

 

Винный тур в Армению на неделю (5 дней /4 ночи)

 

Հայաստանի գինեգործությունն ունի հազարամյակների պատմություն: Բարենպաստ կլիմայական պայմանները նպաստել են խաղողագործության զարգացմանը, ուստի նույնիսկ ոգելից խմիչք չօգտագործողները կցանկանան Հայաստանը ճանաչել Գինու տուր դեպի Հայաստանի միջոցով:

Բացի դասական տուրերից զբոսաշրջիկներն այսօր հետաքրքրվում են նաև գինու տուրիզմով, հատկապես՝ Գինու տուրերով դեպի Հայաստան:

Պարտադիր չէ գինու գիտակ լինել, որպեսզի հասկանաք, թե ինչքան հարուստ, հագեցած և նրբահամ են հայկական գինիները: Գինու գործարանների մեծ մասն ունի ցուցադրման, գինու և կոնյակի համտեսման սրահներ: Գինու տուր դեպի Հայաստանը հնարավորություն կտա տեսնել աստվածային խմիչքի արտադրման տեխնոլոգիական գործընթացի մի մասը, համտեսել տարբեր տեսակի խմիչքներ և ցանկության դեպքում ձեռք բերել դրանք:

Հայաստանում ուղևորության ժամանակ կծանոթանաք ճարտարապետական հուշարձաններին, մշակութային անկրկնելի ավանդույթներին, կստանաք բազում նոր տպավորություններ, իսկ տեղի համեղ ճաշատեսակները և ավանդական հյուրընկալությունը ոչ ոքի անտարբեր չեն թողնի:

 

Պատվիրել տուր դեպի Հայաստան

 

Գինու տուր դեպի Հայաստան (5 օր/4 գիշեր) - Ծրագիր

 

Օր 1


Օդանավակայան - Զբոսանք Երևանում - «ArArAt» կոնյակի գործարան
 
Театр Оперы и балета  Улицы Еревана  Дегустация коньяка АрАрАт
 

Երևանում մեր էքսկուրսիան կսկսենք զբոսանքով: Երևանի ճարտարապետությունը յուրօրինակ է և ինքնատիպ: Այսօրվա Երևանը ճարտարապետական տարբեր ոճերի, կանաչ պուրակների, բազմաթիվ շատրվանների քաղաք է: Այցի ընթացքում կծանոթանաք Երևանի տեսարժան վայրերին. Կասկադ՝ թանգարան բաց երկնքի տակ, Ֆրանսիայի հրապարակ, Օպերայի և բալետի թատրոն, Հյուսիսային պողոտա, Հանրապետության հրապարակ:

Ճաշը կմատուցվի ռեստորանում, որտեղ կհամտեսեք ազգային կերակրատեսակներ:

Ճաշից հետո կայցելենք Երևանի կոնյակի գործարան, որտեղ կհամտեսենք 3 տեսակի կոնյակ՝ «Ախթամար», «Նաիրի» և «Դվին»:

Դրանից հետո գինու տուրը կշարունակենք և կայցելենք Ծիծեռնակաբերդ՝ 1915թ. Հայոց ցեղասպանության զոհերի հուշահամալիր և թանգարան:

 

Օր 2


Երևան - Խոր Վիրապ - «Արենի» գինու գործարան - Նորավանք - Երևան

Монастырь Хор Вирап (Армения)  Дегустация вина в Арени (Армения)  Монастырь Нораванк
 

Այս օրվա ուղևորությունը կսկսենք Հայաստանի խորհրդանիշներից մեկի՝ Խոր Վիրապ վանքի այցելությամբ: Վանքը գտնվում է Երևանից 40կմ, իսկ Թուրքիայի սահմանից մեկ կիլոմետրից էլ պակաս հեռավորության վրա: Խոր Վիրապը հանրահայտ ուխտատեղիներից է: Ցանկության դեպքում կարող եք իջնել այն փոսը (6 մետր խորությամբ վիրապը), որտեղ, օձերով և թունավոր միջատներով լցված, շուրջ 14 տարի պահել են Գրիգոր Լուսավորչին, որն առաջինն էր մերժել հեթանոսությունը և քրիստոնեություն ընդունել:

Պարզ եղանակին ամենամոտից կարելի է տեսնել բիբլիական Արարատը: Հայ ճարտարապետ Թամանյանը այնպես էր նախագծել Երևանը, որ քաղաքի բոլոր տեղերից կարելի էր տեսնել հայերի սիրելի լեռը:

Մեր ուղևորությունը կշարունակենք Վայոց Ձորի մարզում գտնվող Արենի գյուղում: Զբոսաշրջիկների սիրված վայրերից մեկը` իր գեղատեսիլ բնությամբ և կարմիր ժայռերով: Այստեղ ամեն տարի հոկտեմբերին անցկացվում է գինու փառատոն: Կայցելենք նաև «Թռչունների քարանձավ», որտեղ 2008թ. հնագետները գտել են աշխարհում ամենահին` ավելի քան 5500 տարեկան կոշիկը: Այս քարանձավում է պեղվել նաև աշխարհում ամենահին գինեգործական համալիրը:

Կայցելենք «Արենի» գինու գործարան, որտեղ կհամտեսենք տեղի գինին: Այս արտադրողի գինիները տարբերվում են անկրկնելի համով: Բույրերի փունջը բացվում է աստիճանաբար և ըմպելուց հետո հաճելի համ թողնում:

Ճաշը կմատուցվի ռեստորանում, որտեղ կհամտեսեք ազգային կերակրատեսակներ:

Ձեզ անտարբեր չի թողնի Արենի գյուղից 1,5կմ հեռավորության վրա գտնվող 13-րդ դարում կառուցված Նորավանքը, որը կառուցել է հայ վարպետ Մոմիկը: Վանքը գտնվում է Արփա գետի վտակի կիրճում, իսկ կարմիր ժայռերը կարծես կախված լինեն վանքի վրա:

Վերադարձ Երևան:      

 

Օր 3


Երևան - Գառնի - Գեղարդ - Սևան - Իջևան - Երևան

Гегард (IV век) - монастырский комплекс  Озеро Севан - жемчужина Армении  Иджеванский винный завод
 

Հայաստանում ուղևորությունը կշարունակենք` այցելելով Գառնու հեթանոսական տաճար, որը I դարում կառուցել է Տրդատ Ա թագավորը և նվիրված է եղել Արևի աստված Միհրին: Ըստ պատմության, տաճարը կառուցվել է հռոմեացի կայսր Ներոնի փողերով:

Հաջորդ կանգառը կլինի Գեղարդը (IV դար)` ժայռափոր ինքնատիպ եկեղեցական վանք, որն ընդգրկված է ՅՈՒՆԵՍԿՕ-ի մշակութային ժառանգության ցանկում: Վանքի անվանումը կապված է այն նիզակի հետ, որի ծայրով հռոմեացի զինվորը խոցեց խաչված Հիսուսին: Ներկայումս այն պահվում է Էջմիածնի Մայր աթոռի գանձարանում:

Ճաշը կմատուցվի ռեստորանում, որտեղ կհամտեսեք ազգային կերակրատեսակներ:

Ճաշից հետո կշարունակենք մեր ուղևորությունը դեպի Հայաստանի կապուտակ գեղեցկուհի Սևան: Սևանալիճը Հայկական լեռնաշխարհի քաղցրահամ լիճն է, Կովկասի ամենամեծ լիճը: Այն համարվում է տարածաշրջանի խմելու ջրի երաշխավորված աղբյուր: Այցելություն Սևանավանք` վանական համալիր լճի ափին, Սևան թերակղզում (այն առաջ կղզի է եղել): 

Դրանից հետո մենք կայցելենք Իջևանի գինու գործարան, որը կառուցվել է 1951 թվականին: Գործարանը գտնվում է Աղստև և Սպիտակ ջուր գետերի միջև: Հայաստանի հյուսիսարևելյան մասի խաղողի բնական այգիներն ունեն եվրոպական տեսակի խաղողի համար անհրաժեշտ բնակլիմայական պայմանները: Իջևանի գինու գործարանը հայկական գինու և կոնյակի առաջատար արտահանողներից է: Եվ, իհարկե, էքսկուրսիայից հետո կհամտեսենք 6 տեսակի հայկական գինի:
 
Վերադարձ Երևան:

 

Օր 4


Երևան - Սաղմոսավանք - Ամբերդ - «Արմենիա» գինու գործարան - Երևան

  монастырь Сагмосаванк  Сквер армянского алфавита Винный завод "Армения"
 

Այսօր Հայաստանում շրջագայությունը կսկսենք Սաղմոսավանքից (12-13-րդ դդ.): Վանքը գտնվում է Քասախ գետի գեղատեսիլ կիրճում, Արայի լեռան (2600) դիմաց: Այս վանքն իր մեջ կրում է հայկական ճարտարապետության ողջ հմայքն ու հնությունը: 

Կանգառ կկատարենք Տառերի պուրակում: Սա հայոց այբուբենին նվիրված հուշարձանախումբ է, որը բաղկացած է հայկական այբուբենի 39 տառերից: Այստեղ են գտնվում նաև Մեսրոպ Մաշտոցի և նրա աշակերտների արձանները:

Հաջորդը կմեկնենք դեպի Ամբերդի ամրոց (Ամպերի ամրոց, 7-13-րդ դդ.), որը գտնվում է Արագած լեռան հարավային լանջին, 2300 մ բարձրության վրա:

Ճաշը կմատուցվի ռեստորանում, որտեղ կհամտեսեք ազգային կերակրատեսակներ:

Հաջորդը կայցելենք «Արմենիա» գինու գործարան: Գործարանը պահպանում և ամրապնդում է իր դիրքերը հայկական և միջազգային շուկայում՝ պահելով հայկական գինիների արտադրության լավագույն ավանդույթները:

Վերադարձ Երևան:

 

Օր 5


Հայաստանի պատմության թանգարան - «Նոյ» Երևանի կոնյակի, գինու, օղու գործարան - Էջմիածին - Զվարթնոց
 
Площадь Республики  Дегустация коньяка на комбинате "НОЙ"  Эчмиадзинский кафедральный собор
 

Նախաճաշից հետո կլինենք Հայաստանի պատմության թանգարանում` շուրջ 400.000 նմուշներով: Թանգարանը բաղկացած է հնագիտության, ազգագրության, դրամագիտության, պատմական ճարտարապետության և Հայաստանի նորագույն պատմության բաժիններից:

Դրանից հետո կայցելենք «Նոյ» Երևանի կոնյակի, գինու և օղու գործարան, որտեղ էքսկուրսիայից հետո կհամտեսենք կոնյակ և գինի:

Ճաշը կմատուցվի ռեստորանում, որտեղ կհամտեսենք ազգային կերակրատեսակներ:

Հաջորդը կմեկնենք Հայաստանի հոգևոր քաղաք Էջմիածին: Կայցելենք Ամենայն հայոց կաթողիկոսի նստավայր Մայր Աթոռ Սուրբ Էջմիածին` Մայր տաճար (301թ.), որը գտնվում է ՅՈՒՆԵՍԿՕ-ի մշակութային ժառանգության ցանկում: 

Կայցելենք 2000թ. ՅՈՒՆԵՍԿՕ-ի Համաշխարհային մշակութային արժեքների ցանկում ընդգրկված Զվարթնոց տաճարի ավերակներն ու հնագիտական տարածքը: Տաճարն ավերվել է երկրաշարժի հետևանքով: 

Տեղափոխում օդանավակայան:


 

Հայաստան - երկիր, որին կարելի է սիրահարվել

 
 

Ուշադրություն,

Տուրերում նշված տեսարժան վայրերի այցելության ժամն ու հերթականությունը հնարավոր է փոփոխվեն: Առաջին և վերջին օրերի էքսկուրսիոն ծրագիրը կախված կլինի ձեր ժամանումից և մեկնումից, ինչպես նաև շաբաթվա օրից: Խնդրում ենք հաշվի առնել, որ Հայաստանի թանգարանները երկուշաբթի օրերը չեն աշխատում:

Տուրի արժեքը ներառում է`
 
  • Օդանավակայանից տեղափոխումը հյուրանոց և հյուրանոցից տեղափոխումը օդանավակայան:
  • Բնակություն 3* հյուրանոցներում:
  • 2-անգամյա սնունդ (նախաճաշը` հյուրանոցում), ճաշը՝ հայկական խոհանոցով ռեստորաններում:
  • Տրանսպորտային սպասարկում հարմարավետ մեքենաներով:
  • Զբոսավարի ծառայություն ողջ տուրի ընթացքում:
  • Պատմա-մշակութային կենտրոնների մուտքի տոմսեր:
  • Կոնյակի և գինու համտեսում:
  • 2 շիշ խմելու ջուր սպասարկող մեքենայում:
  • Հյուրերի շուրջօրյա աջակցություն հեռախոսով:

 

Տուրի արժեքը չի ներառում`

  • Ավիատոմսեր:
  • Մուտքի վիզա (եթե դրա անհրաժեշտությունը կա):
  • Ոգելից խմիչքներ (բացառությամբ տուրում նշվածների):
  • Ապահովագրություն:

 

Նշումներ՝

  • Ցանկության դեպքում կարելի է ընտրել Հայաստանի որևէ այլ հյուրանոց կամ մնալ մասնավոր բնակարանում (անհրաժեշտ է նախապես համաձայնեցնել մենեջերի հետ):
  • 18 տարին չլրացած անձինք չեն կարող մասնակցել այս տուրին:

 

 «Գինու տուր դեպի Հայաստան»-ի գները (գինը նշված է 1 հոգու համար, կիսապանսիոն)

2 հոգի 4 հոգի 6 դրամ 8 հոգի 10 հոգի 10-ից ավելի հոգու համար
284.000 դրամ
226.000 դրամ 198.000 դրամ
195.000 դրամ
184.000 դրամ
ըստ հարցման

 

{rsform 8}

 

 

  • (+374 91) 01 56 60 (Viber, Whatsapp)

Top